1. Home
  2. /
  3. आर्थिक, कर्पोरेट, प्रदेश ४, ब्रेकिङ न्युज, मुख्य खबर
  4. /
  5. पोखराबाट नेपाल भ्रमण वर्ष-२०२०...

पोखराबाट नेपाल भ्रमण वर्ष-२०२० शुरु, महत्वाकांक्षी २० लाख विदेशी पर्यटक भित्र्याउने लक्ष्य

२०७६, १ बैशाख आईतवार ०९:२४


पोखरा: गण्डकी प्रदेशको राजधानी पोखराबाट नेपाल भ्रमण वर्ष-२०२० शुरुवात भएको छ । गण्डकी प्रदेशका मुख्यमन्त्री पृथ्वीसुव्वा गुरुङले भ्रमण वर्ष औपचारिक उद्घाटन गरे ।

महत्वाकांक्षी २० लाख विदेशी पर्यटक भित्राउने लक्ष्यसहित भ्रमण वर्ष सुरु भएको हो । कार्यक्रममा मुख्यमन्त्री गुरुङले समृद्धिको आधार पर्यटनलाई मानेर प्रदेश सरकारले आफ्ना गतिविधि अगाडि बढाइरहेको बताए ।

नेपाल भ्रमण वर्ष सफल बनाउन चालु आर्थिक वर्षको बाँकी ३ महिनाका लागि खर्च गर्न मिल्ने गरी सरकारले १० करोड रुपैयाँ दिएको छ । यो रकमले तीन महिना अवधिमा प्रवर्द्धनका कामदेखि केही पूर्वाधार बनाउन समेत खर्च गरिने छ । पर्यटनमा अन्तर्राष्ट्रिय लगानीकर्तालाई नेपाल भित्राउन सम्मेलन गर्ने तयारी पनि गरिएको छ ।

त्यस्तै भारतका विभिन्न सहरमा माइस टुरिजमका लागि प्रवर्द्धनका कार्यक्रम पनि गर्ने तयारी भइरहेको छ । नेपाल पर्यटन बोर्डले पनि प्रवर्द्धनको अभियान चलाएको र त्यसमा सहकार्य गर्ने योजना रहेको बताइएको छ । नेपालमा भित्रिने पर्यटकलाई आवश्यक जानकारी दिन नेपाल र भारतका सिमा नाकासहित सात ठाउँमा ‘नमस्ते सेन्टर’ बनाउने तयारी छ ।

पोखरासहित काकरभिट्टा, जनकपुर, बिराटनगर, भैरहवालगायत ठाउँमा पर्यटकलाई स्वागत सत्कार गर्न मिल्ने गरी नमस्ते सेन्टर बन्नेछन् । एउटा सेन्टर बनाउन कम्तीमा ५० लाख रुपैयाँ खर्च लाग्नेछ । ती सेन्टरको व्यवस्थापन स्थानीय सरकार मार्फत गरिने जनाइएको छ ।।


र यो पनि...

आर्सनल र वाट्फोर्डले खेले बराबरी

त्रिदेशीय टी-ट्वान्टी क्रिकेट श्रृंखला अन्तर्गतको तेश्रो खेलमा अफगानिस्तान विजयी

हङकङमा जारी प्रदर्शनले उग्र रुप लिँदै, प्रदर्शनकारीमाथि पेट्रोल बम र पानीको फोहरा प्रहार

भारतको आन्ध्र प्रदेशमा डुङ्गा दुर्घटना हुँदा १२ जनाको मृत्यु, ३० जना बेपत्ता

कोशी सम्झौता कार्यान्वयन गर्न माग गर्दै किसानहरुले सुरु गरेको रिले अनसनको एक महिना पुरा

नागरिकता विवादित विधेयकबारे नेकपा र कांग्रेसका शीर्ष नेताबीच छलफल

सोमबार मध्यरातबाट पाँच साताका लागि बेलायती संसद् निलम्बन

आयरल्यान्डलाई हराउँदै जर्मन युरोकप छनोटको शीर्षस्थानमा उक्लियो

बेल्जियमको सानदार जित, स्कटल्याण्ड बाहिरियो


Leave a Reply

Your email address will not be published. Required fields are marked *