1. Home
  2. /
  3. खेलकुद
  4. /
  5. बाह्रौ संस्करणको इण्डियन प्रिमियर...

बाह्रौ संस्करणको इण्डियन प्रिमियर लिग क्रिकेटमा बैंगलोरको पहिलो जित

२०७६, १ बैशाख आईतवार ०७:५१


काठमाडौं: रोयल च्यालेन्जर्स बैंगलोरले भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा पहिलो जित निकालेको छ ।

शनिबार भएको खेलमा किङ्स इलाभेन पन्जाबलाई ८ विकेटले हराउँदै बैंगलोरले सात खेलपछि पहिलो जित निकालेको हो । चन्द्रीगढस्थित पन्जाब क्रिकेट मैदानमा पन्जाबले दिएको एक सय ७४ रनको लक्ष्य बैंगलोरले १९ ओभर २ बलमा मात्र २ विकेट गुमाएर पुरा गर्यो । बैंगलोरको जितमा कप्तान विराट कोहली र एबी डी भिलियर्सले अर्धशतकीय इनिङ्स खेले । कोहलीले ६७ रन जोड्दा डी भिलियर्सले अविजित ५९ रन बनाए ।

यसअघि टस हारेर पहिले ब्याटिङ गरेको पन्जाबले २० ओभर खेल्दै ४ विकेट गुमाएर एक सय ७३ रन बनाएको थियो । पन्जाबका लागि क्रिस गेलले विस्फोटक ब्याटिङ गर्दै अविजित ९९ रन बनाए । शतक बनाउन एक रनले चुकेका गेलले ६४ बलमा १० चौका र ५ छक्का प्रहार गरे । जितसंगै बैंगलोरले ७ खेलमा २ अंक जोडेको छ । बैंगलोर लिगको पुछारमा रहेको छ । पन्जाब ८ खेलबाट ८ अंक जोडेर पाँचौं स्थानमा रहेको छ ।


Leave a Reply

Your email address will not be published. Required fields are marked *