1. Home
  2. /
  3. खेलकुद
  4. /
  5. इण्डियन प्रिमियर लिग क्रिकेटमा...

इण्डियन प्रिमियर लिग क्रिकेटमा दिल्ली क्यापिटल्सको चौंथो जित, कोलकत्ता नाइट राइडर्सलाई ७ विकेटले पराजित

२०७५, ३० चैत्र शनिबार ०७:४३


काठमाडौं: दिल्ली क्यापिटल्सले भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा चौंथो जित निकालेको छ । शुक्रबार भएको खेलमा घरेलु टोली कोलकत्ता नाइट राइडर्सलाई ७ विकेटले पराजित गर्दै नेपाली राष्ट्रिय टोलीका लेग स्पिनर सन्दीप लामिछानेको टिम दिल्लीले चौंथो जित निकालेको हो ।

इडेन गार्डेनमा कोलकत्ताले दिएको एक सय ७९ रनको लक्ष्य दिल्लीले १८ ओभर ५ बलमा मात्र ३ विकेट गुमाएर पुरा गर्यो । दिल्लीको जितमा शिखर धवनले अर्धशतकीय इनिङ्स खेल्दै अविजित ९७ रन बनाए । उनले ६३ बलमा ११ चौका र २ छक्का प्रहार गरेका थिए ।

यस अघि टस हारेर पहिले ब्याटिङ गरेको कोलकत्ताले २० ओभरमा ७ विकेट गुमाएर एक सय ७८ रन बनाएको थियो । कोलकत्ताका लागि सुबमन गिलले अर्धशतकीय इनिङ्स खेले । उनले ३९ बलमा ७ चौका र २ छक्कासहित ६५ रन बनाए । यस्तै आन्द्रे रसेलले ४५ तथा रोविन उथप्पाले २८ रन जोडे । पियुस चावला १४ रनमा अविजित रहे । दिल्लीका क्रिस मोरिस, कागीसो राबडा र पाउल किमोले २/२ विकेट लिए ।

जितसंगै दिल्लीले ७ खेलमा ४ जितसहित ८ अंक जोडेको छ । दिल्ली लिगको चौंथो स्थानमा छ । दोस्रो स्थानको कोलकत्ताको ७ खेलबाट ८ अंक रहेको छ ।


Leave a Reply

Your email address will not be published. Required fields are marked *