आज चैते दशै पर्व देशभर मनाइदै, राम नवमी पनि आजै

२०७५, ३० चैत्र शनिबार ०७:४२


काठमाडौं: आज चैत्र शुक्ल अष्टमी अर्थात चैते दशै पर्व देशभर मनाइदैछ । असुर शक्तिमाथि दैवी शक्तिको विजय तथा असत्यमाथि सत्यको जितको रुपमा लिइने दशैं हिन्दूधर्मावलम्बीहरुले वर्षमा दुईपटक मनाउने गर्दछन् । असोजमा मनाइने दशैंलाई बडादशैंको रुपमा मनाइन्छ भने चैत शुक्ल अष्टमीमा चैते दशैंको रुपमा मनाइन्छ । वर्षको दुई पटक चैत र असोजमा गरिने दुर्गापूजाको विशेष महत्व रहेको शास्त्रमा उल्लेख छ ।

आज काठमाडौंका भद्रकाली, शोभाभगवती, दक्षिणकाली, गुहेश्वरी, संकटा, नक्साल भगवतीका साथै गोरखाको मनकामना, गोरखकाली, काभ्रेको पलाञ्चोक भगवती, पोखराको विन्धबासिनी बाग्लुङको कालिका भगवती लगायत देशभरका शक्तिपीठमा बिहानैदेखि दर्शनार्थीको घुइँचो लागेको छ । यसैबीच राम नवमी र चैते दशैं आज एकै दिन परेको छ । असत्यमा सत्यको विजय तथा भगवान श्रीरामको सम्झनामा मनाइने रामनवमी पर्वका उपलक्षमा राम मन्दिरहरुमा पूजापाठ गरिन्छ ।


Leave a Reply

Your email address will not be published. Required fields are marked *