1. Home
  2. /
  3. ब्रेकिङ न्युज, मुख्य खबर, समाचार
  4. /
  5. स्मार्ट लाइसेन्स वितरणमा यातायात...

स्मार्ट लाइसेन्स वितरणमा यातायात व्यवस्था कार्यालयको चरम लापरबाही

२०७५, ३० चैत्र शनिबार ०७:३८


काठमाडौं: सवारीचालक अनुमतिपत्र व्यवस्थित गर्ने भन्दै स्मार्ट लाइसेन्स वितरण सुरु गरिएको तीन वर्ष बितिसक्दा पनि सेवाग्राहीले सहज रुपमा लिन पाएका छैनन् ।

२०७२ मंसिरबाट सुरु स्मार्ट लाईसेन्स वितरणलाई यातयात व्यवस्था बिभागले अझै पनि व्यवस्थित गर्न नसक्दा करीव पाँच लाख आवेदक प्रतिक्षामा छन् । ट्रायल पास गरेका उनीहरुमा स्मार्ट लाइसेन्सको सट्टा शुल्क बुझाएको रसिदका भरमा हिडनुपर्ने बाध्यता छ ।

छपाईमा ढिलाइ मात्रै नभएर छापिएका स्मार्ट लाईसेन्स वितरण समेत समयमा हुन सकेको छैन । यातायात व्यवस्था कार्यालय ललितपुर एकान्तकुनाबाट वितरण नगरी राखिएको एक लाखभन्दा बढि लाइसेन्स जफत गरी यातायात व्यवस्था बिभागले मिनभवनस्थित आफ्नै कार्यालयबाट बितरण सुरु गरेको छ । बिभागमा नयाँ महानिर्देशक कुमारप्रसाद ढकाल आएसंगै स्मार्ट लाईसेन्स वितरण भने सुरु भएको छ ।

बिभागले छपाउने स्मार्ट लाईसेन्स वितरण भने प्रदेश मातहतका कार्यालयहरुबाट हुने व्यवस्था छ । कर्मचारीको लापर्वाहीका कारण एकान्तकुनामा जस्तै अरु यातायात कार्यालयमा पनि छापिएका लाइसेन्स थन्किएको सहजै अनुमान गर्न सकिन्छ । १० लाख स्मार्ट लाईसेन्स छपाईका लागि अह्वान गरिएको ग्लोबल टेण्डर हातपारेको भारतीय मद्रास सेक्युरिटी कम्पनीलाइ छपाइको जिम्मा दिएर तीनमहिनाभित्रै छपाइ सम्पन्न गर्ने विभागको तयारी छ ।

यसअघि स्वदेशी कम्पनीबाटै छापिएका करीब साँढे ३ लाखमध्ये ११ हजार वटामा त्रुटी भेटिएपछि विभागले स्मार्ट लाईसेन्स छपाईका लागि ग्लोबल टेण्डर अह्वान गरी नयाँ प्रक्रिया सुरु गरेको हो । सर्भर र डाटाबेस बनाएपछि सहजै रुपमा स्मार्ट लाईसेन्स छपाई गर्न सकिने विश्वास विभागले व्यक्त गरेपनि कार्यालयहरुको कार्यसम्पादन नसुध्रिएसम्म स्मार्ट लाईसेन्स बितरणमा देखिंदै आएको समस्या तत्काल टर्ने छाँट छैन ।


Leave a Reply

Your email address will not be published. Required fields are marked *