1. Home
  2. /
  3. खेलकुद
  4. /
  5. इटालियन क्लब युभेन्ट्स आयाक्ससँग...

इटालियन क्लब युभेन्ट्स आयाक्ससँग १-१ गोलको बराबरीमा रोकियो

२०७५, २८ चैत्र बिहीबार ०७:४२


एजेन्सी: च्याम्पियन्स लिग फुटबल अन्तर्गत क्वाटरफाइनलको पहिलो लेगमा इटालियन क्लब युभेन्ट्स बराबरीमा रोकिएको छ । गएराति भएको खेलमा युभेन्ट्स डच क्लब आयाक्ससँग १-१ गोलको बराबरीमा रोकिएको हो ।

आयाक्सको घरेलु मैदानमा सुरुवाती अग्रता जोगाउन नसक्दा युभेन्ट्सले बराबरी खेल्नु परेको हो । खेलको ४५ औं मिनेटमा क्रिस्टियानो रोनाल्डोको गोलबाट युभेन्ट्सले सुरुवाती अग्रता बनाएको थियो । तर, दोस्रो हाफको सुरुवाती मिनेटमै आयाक्सले बराबरी गोल फर्काएको थियो ।

खेलको ४६ औं मिनेटमा डेभिड नेरिसले गोल गर्दै आयाक्सलाई खेलमा फर्काएका थिए । त्यसपछि दुवै टोलीले थप गोल गर्न सकेनन् र खेल १-१ गोलको बराबरीमा सकियो । पहिलो लेग बराबरीमा सकिएसंगै दुवै टोलीले सेमिफाइनलमा स्थान बनाउने सम्भावना कायमै रहेको छ । अब दुईबीचको दोस्रो लेग खेल युभेन्ट्सको घरेलु मैदानमा हुनेछ ।


Leave a Reply

Your email address will not be published. Required fields are marked *