1. Home
  2. /
  3. खेलकुद
  4. /
  5. बाह्रौ संस्करणको इण्डियन प्रिमियर...

बाह्रौ संस्करणको इण्डियन प्रिमियर लिग क्रिकेटमा मुम्बई इन्डियन्सको रोमान्चक जित

२०७५, २८ चैत्र बिहीबार ०७:४०


एजेन्सी: घरेलु टोली मुम्बई इन्डियन्सले भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा रोमान्चक जित निकालेको छ ।

बुधबार राती भएको खेलमा मुम्बईले किङ्स इलाभेन पन्जाबलाई ३ विकेटले पराजित गरेको हो । वान्खडे क्रिकेट स्टेडियममा पन्जाबले दिएको एक सय ९८ रनको उच्च लक्ष्य मुम्बईले पुरै २० ओभर खेल्दै ७ विकेट गुमाएर पुरा गर्यो । मुम्बईको जितमा कप्तान केइरन पोलार्डले अर्धशतकीय इनिङ्स खेले । विस्फोटक ब्याटिङ गरेका पोलार्डले ८३ रन बनाए ।

सातौं विकेटको रुपमा आउट हुनुअघि पोलार्डले ३१ बलमा १० छक्का र ३ चौका प्रहार गर्दै मुम्बईको जितको आधार तय गराएका थिए । यस्तै क्विनटन डी ककले २४ रन जोड्दा सुर्य कुमार यादवले २१ रन बनाए । त्यस्तै हार्दिक पाण्डया १९ रनमा आउट हुँदा सिद्देश लाड र अल्जारी जोसेफले समान १५/१५ रन बनाए । पन्जाबका मोहमद शामीले ३ विकेट लिए ।

टस हारेर पहिले ब्याटिङ गरेको पन्जाबले पुरै २० ओभर खेल्दै ४ विकेट गुमाएर एक सय ९७ रन बनाएको थियो । पन्जाबका लागि लोकेश राहुलले शतकीय इनिङ्स खेलेपनि टोलीलाई जित दिलाउन सकेनन् । ओपनर राहुलले अविजित रहदै एक सय रनको योगदान दिए । यस्तै क्रिस गेलले अर्धशतकीय इनिङ्स खेले । गेल ६३ रनमा आउट भए ।


Leave a Reply

Your email address will not be published. Required fields are marked *