1. Home
  2. /
  3. खेलकुद
  4. /
  5. च्याम्पियन्स लिग फुटबल अन्तर्गत...

च्याम्पियन्स लिग फुटबल अन्तर्गत क्वार्टरफाईनलको पहिलो लेगको खेलमा टोटनहम र लिभरपुल विजयी

२०७५, २७ चैत्र बुधबार ०९:१२


च्याम्पियन्स लिग फुटबल अन्तर्गत क्वार्टरफाईनलको पहिलो लेगको खेलमा टोटनहम र लिभरपुलले जित निकालेको छ । मंगलबारबाट शुरु भएको च्याम्पियन्स लिगको क्वार्टरफाईनल खेलको पहिलो लेगमा टोटनहमको होम ग्राउन्डमा बलियो म्यान्चेस्टर सिटी १-० गोल अन्तरले पराजित भएको हो ।

निकै प्रतिस्पर्धात्मक भएको खेलको ७८औं मिनेटमा सन ह्युङ मिनले गरेको एक मात्र गोल टोटनहमको जितमा निर्णयक बन्न पुग्यो । यसअघि खेलको शुरुवाती समयमै सिटील पेनल्टी मार्फत अग्रताको मौका पाएको थियो । तर सर्जियो अग्युरोको प्रहारलाई टोटेनहमका गोलकिपर ह्युगो लोरिसले बचाएका थिए । यी दुईबिचको दोश्रो लेगको खेल सिटीको होम ग्राउन्ड ईतिहादमा हुनेछ ।

यस्तै अर्को क्वार्टरफाईनलको पहिलो लेग खेलमा लिभरपुलले एफसी पोर्टोलाई पराजित गरेको छ । पोर्टोलाई २-० गोल अन्तरले पराजित गरेको हो । होम ग्राउन्डमा भएको खेलमा लिभरपुललाई जिताउन नाबी केईटा र रोबर्टो फिर्मिन्होले एक एक गोलको योगदान गरेका थिए । यी दुईबिचको दोश्रो लेगको खेल एफसी पोर्टोको होम ग्राउन्डमा हुनेछ ।।


Leave a Reply

Your email address will not be published. Required fields are marked *