1. Home
  2. /
  3. खेलकुद, ब्रेकिङ न्युज, मुख्य खबर, समाचार
  4. /
  5. आठौँ राष्ट्रिय खेलकुदका पाँच...

आठौँ राष्ट्रिय खेलकुदका पाँच खेल आजबाट सुरु हुँदै, बिधिवत उद्घाटन बैशाख ५ गते हुने

२०७५, २७ चैत्र बुधबार ०७:१३


काठमाडौं: आठौँ बृहत राष्ट्रिय खेलकुद अन्तर्गत महत्वपुर्ण ५ खेल आजबाट सुरु हँदैछन् । आज दाङको घोराही कभर्ड हलमा टेवल टेनिस, कपिलवस्तुमा कुस्ती, बाँकेको मंगलप्रसाद उच्च माबिमा पूरुष तर्फको हक्की, ललितपुरमा महिलाको स्क्वास र रुपन्देहीमा महिला पुरुस दुबै तर्फको लन ट्निस सुरु हनेछन् ।

प्रतियोगिताको सबै तयारी पुरा भएको जनाउदै राष्ट्रिय खेलकुद परिषदले देशभरका खेलाडीहरु खेल हुने स्थानमा पुगिसकेको जनाएको छ । तराईका जिल्लामा बढ्दो गर्मीलाई मध्यनजर गरेर बिहान र बेलुका खेल खेलाउने व्यवस्था मिलाइएको छ । यसैगरि बिहिबारबाट बास्केट बल र फेन्सीङका प्रतिस्पर्धा पनि सुरुहुनेछन् । आठौँ राष्ट्रिय खेलकुदको बिधिवत उद्घाटन भने बैशाख ५ गते मात्र हुनेछ ।

राष्ट्रिय खेलकुदमा कुल २ हजार ६ सय ८८ पदकका लागि प्रतिस्पर्धा हुनेछ । ३५ खेलमा ७ सय ९३ स्वर्ण,७ सय ९३ रजत र ११ सय २ कास्यपदकका लागि प्रतिस्पर्धा हुने खेलमा खेलाडी,पदाधिकारी,प्रतिनिधि लगायत १० हजार बढीको सहभागीता हुने राखेपले जनाएको छ । प्रदेश नम्बर ५ मा हुन लागेको बृहत ८औ राष्ट्रिय खेलकुदका खेल बाँके, बर्दिया, दाङ, कपिलवस्तु र रुपन्देहीमा सञ्चालन हुनेछन् । प्याराग्लाईडीङ कास्कि र स्क्वासका खेल ललितपुरमा सञ्चालन हुनेछन् ।

यसैबीच आठौं राष्ट्रीय खेलकुदको ओलम्पिक टर्च र्यालीको कार्यक्रम पनि सार्वजनिक भएको छ । चैत्र २९ गतेदेखि प्रदेश१ को विराटनगर बाट सुरु हुने र्याली वैशाख ५ गते नेपालगंज रंगशालामा उद्घाटन दीप प्रज्वलन गरेपछि समापन हुनेछ । र्यालीले बिराटनगर, धरान, हेटौँडा, चितवन, पोखरा, लुम्बिनी, सुर्खेत लगायतका क्षेत्रको परिक्रमा गर्नेछ । र्यालीमा जितबहादुर केसी, हरिबहादुर रोकाया, सुरेन्द्र हमाल, कमलबहादुर अधिकारी लगायतका ओलम्पियनको सहभागीता रहनेछ ।


Leave a Reply

Your email address will not be published. Required fields are marked *