हाइ-स्पीड इन्टरनेटका लागि अन्तरिक्षमा तीन हजारभन्दा धेरै स्याटेलाइट प्रक्षेपण गरिने

२०७५, २६ चैत्र मंगलवार ०९:००


एजेन्सी: हाइ-स्पीड इन्टरनेट उपलब्ध गराउनका लागि अमेजनले अन्तरिक्षमा ३ हजारभन्दा धेरै स्याटेलाइट प्रक्षेपण गर्ने भएको छ । हालै अमेजनले जारी गरेको योजनाअनुसार ‘प्रोजेक्ट कुइपर’ नामक परियोजना अन्तर्गत अन्तरिक्षमा ३ हजारभन्दा धेरै स्याटेलाइट परीक्षण गरिनेछ ।

अमेजनले सार्वजनिक गरेको योजना अनुसार अन्तरिक्षको तल्लो तहमा ३ हजारभन्दा धेरै स्याटेलाइटको सञ्जाल प्रक्षेपण गरिनेछ जसले पृथ्वीमा तीब्र गतिको ब्रोडब्याण्ड इन्टरनेट उपलब्ध हुनेछ । यसले संसारभर तीब्र गतिको इन्टरनेटको पहुँच बाहिर रहेका मानिसहरुलाई इन्टरनेट सञ्जालसँग जोड्ने अमेजनले जनाएको छ । यसबारे अमेजनले विस्तृत योजना संयुक्त राष्ट्रसंघको अन्तर्राष्ट्रिय टेलिकम्युनिकेशन युनियनसमक्ष बुझाइसकेको छ ।

पछिल्लो समय अन्तरिक्षबाट पृथ्वीमा इन्टरनेट सेवा प्रदान गर्ने उद्देश्यले अमेजनसहित विभिन्न कम्पनीले अध्ययन गरिरहेको बताइन्छ । केही समयअघि मात्रै वानवेब नामक कम्पनीले यस्तै प्रयोजनका लागि अन्तरिक्षमा ६ वटा स्याटेलाइट प्रक्षेपण गरिसकेको छ ।

अन्तरिक्षबाट पृथ्वीमा तीब्र गतिको इन्टरनेट सेवा प्रदान गर्ने विषयमा अमेजन र वानवेबसहित इलोन मस्कको स्पेसएक्स, लेयोसाट, टेलेसाट र अमेरिकाको रक्षा तथा हवाई उपकरण निर्माता कम्पनी बोइङलगायतका कम्पनीले पनि स्याटेलाइटबाट इन्टरनेट प्रवाह गर्ने विषयमा अनुसन्धान गरिरहेका छन् । यस्ता स्याटेलाइटले पृथ्वीमा सञ्चारको साधनमा तीब्र परिवर्तन ल्याउने प्राविधिक तथा वैज्ञानिकहरु बताउँछन् ।


र यो पनि...

रिपोर्टिङका क्रममा सिएनएनका पत्रकार पक्राउ

रोजर फेडेरर बने विश्वका सर्वाधिक आम्दानी गर्ने खेलाडी

विदेशमा अलपत्र नेपाली स्वदेश फर्काउने सरकारको निर्णय, भारतबाट स्थलमार्ग हुँदै नेपाल आउने २० नाका तोकियो

टिकटकलाई टक्कर दिन फेसबुकले ल्यायो नयाँ एप कोल्याब

नेपालमा कोरोना संक्रमणबाट छैठौं व्यक्तिको मृत्यु, थप १७० जनामा कोरोना पुष्टि, संक्रमितको संख्या १२१२ पुग्यो

१३औं सागमा स्वर्ण पदक जित्न सफल सबै खेलाडीले आजिवन भत्ता पाउने

अबको डेढ वर्षभित्र मुलपानी क्रिकेट रंगशालाको निर्माण सम्पन्न हुने

बुन्डेसालिगमा आज फ्रेबर्ग र लेभरकुसेन भिड्दै

रौतहटमा प्रहरीद्वारा १२ राउण्ड हवाई फायर, कोरोना संक्रमितलाई आइसोलेसनमा लान खोज्दा झडप


Leave a Reply

Your email address will not be published. Required fields are marked *