1. Home
  2. /
  3. आर्थिक, कर्पोरेट, ब्रेकिङ न्युज, मुख्य खबर
  4. /
  5. नेपाल एयरलाइन्सले जापानमा आगामी...

नेपाल एयरलाइन्सले जापानमा आगामी जुलाई ४ तारिखदेखि सातामा तीन उडान भर्ने निश्चित

२०७५, २६ चैत्र मंगलवार ०८:४७


काठमाडौ: नेपाल वायुसेवा निगम (नेपाल एयरलाइन्स) को जापान उडान सुनिश्चित भएको छ । जापानको ओशाका अन्तर्राष्ट्रिय विमानस्थलमा आगामी जुलाई ४ तारिखदेखि सातामा तीन उडान भर्ने गरी उडान अनुमति पाएको निगमले जनाएको छ ।

जापान उडानका लागि सम्पूर्ण कागजात जापान सिभिल एभिएसन ब्यूरो (जेक्याब) लाई बुझाइएकाले उडान सुनिश्चित भएको निगमले जानकारी दिएको छ । निगमका अनुसार काठमाडौं–जापान उडानका लागि नेपाली समय अनुसार बिहान २:४० बजे पाएको छ भने जापानबाट १३:५५ (जापानको समय अनुसार) बजेको उडान पाएको छ । यसअघि ओसाका विमानस्थलले भूमिस्थ व्यवस्थापन ‘ग्राउड ह्याण्डलिङ’को विषय टुङ्गो लगाउन नसक्दा जापान उडान केही समय लम्बिएको थियो ।

निगमले जेक्याबबाट उडान अनुमति पाएको ३० देखि ४५ दिनभित्र आन्तरिक तयारी गर्नुपर्ने हुन्छ । वाइड बडी ए–३३० जहाजमार्फत त्रिभुवन अन्तर्राष्ट्रिय विमानस्थलबाट–ओसाका अन्तर्राष्ट्रिय विमानस्थलमा साताको सोमबार, बुधबार र शुक्रबार उडान गर्ने योजना बनाएको छ ।


Leave a Reply

Your email address will not be published. Required fields are marked *