1. Home
  2. /
  3. ब्रेकिङ न्युज, मुख्य खबर, समाचार
  4. /
  5. आजदेखि तीन दिनसम्म मेघ...

आजदेखि तीन दिनसम्म मेघ गर्जसहित वर्षाको सम्भावना रहेको मौसम पूर्वानुमान महाशाखाको भनाई

२०७५, २४ चैत्र आईतवार ०९:१४


काठमाडौं: आजदेखि तीन दिन हावाहुरी र मेघ गर्जसहितको वर्षाको सम्भावना रहेको मौसम पूर्वानुमान महाशाखाले जनाएको छ । आज दिउँसो देशभरि नै आंशिकदेखि सामान्य बदली रहने र देशको पुर्वी तथा मध्य भू-भागका केही स्थानमा र पश्चिमी भू-भागका थोरै स्थानहरुमा हावाहुरी र मेघ गर्जन सहित वर्षाको सम्भावना रहेको महाशाखाले जनाएको छ । आज राती देशको पुर्वी र मध्य भू-भागका थोरै स्थानमा र पश्चिमि भू-भागका एक दुई स्थानमा मेघ गर्जनका साथ हल्का वर्षाको संभावना रहेको र तराईका केही स्थानमा हुरी बतास चल्ने संभावना रहेको महाशाखाले जनाएको छ ।

त्यसैगरी भोलि दिउँसो देशभरि नै आंशिक देखि सामान्य बदली रहनेछ । देशको पूर्वी भू-भागका थोरै स्थानमा र मध्य तथा पश्चिमका एक दुई स्थानमा मेघ गर्जन सहित वर्षाको सम्भावना रहेको महाशाखाले जनाएको छ भने राती देशको पुर्वी तथा मध्य भू-भागका केहि स्थानमा र पश्चिमी पहाडी भू-भागका एक वा दुई स्थानमा मेघ गर्जनका साथ हल्का वर्षाको संभावना रहेको र तराईका केही स्थानहरुमा हुरी बतास चल्ने सम्भावना रहेको महाशाखाले जनाएको छ ।

त्यसैगरी महाशाखाले पर्सी दिउँसो देशका पूर्वी र मध्य भु-भागमा आंशिक देखि सामान्य बदली र पश्चिमी भु-भागमा आंशिक बदली रहने बताएको छ । देशको पूर्वी भू-भागका थोरै स्थानमा र मध्य तथा पश्चिमका एक दुई स्थानहरुमा मेघ गर्जन सहित वर्षाको सम्भावना रहेको बताएको छ ।


Leave a Reply

Your email address will not be published. Required fields are marked *