1. Home
  2. /
  3. आर्थिक, कर्पोरेट, ब्रेकिङ न्युज, मुख्य खबर, समाचार
  4. /
  5. १५औं पञ्चवर्षिय योजनाको अधारपत्रको...

१५औं पञ्चवर्षिय योजनाको अधारपत्रको मस्यौदामा दर्घकालिन सोच सन् एक्काईस सय र राष्ट्रिय सोच सम्वृद्ध नेपाल सुखी नेपालीको तय

२०७५, २१ चैत्र बिहीबार ०७:४१


काठमाडौं: राष्ट्रिय विकास परिषद् बैठकमा छलफल तथा पारितका लागि राष्ट्रिय योजना आयोगले प्रस्तुत गरेको १५ औ पञ्चवर्षिय योजनाको अधारपत्रको मस्यौदामा दर्घकालिन सोच सन २१ सय र राष्ट्रिय सोच सम्वृद्ध नेपाल सुखी नेपालीको तय गरिएको छ ।

समृद्धिका ४ वटा र सुखका ६ वटा लक्ष्य तय गरिएको अधारपत्रमा सम्वृद्ध नेपाल, सुखी नेपालीको मार्गचित्रलाई पन्ध्रौ, सोर्हौं र सत्रौं पञ्च वर्षिय योजनाले क्रमश तीनचरणमा समेट्ने उल्लेख छ । २५ वर्षे दिर्घकालिन सोचको पहिलो चरणमा सम्वृद्धि र सुखको सृजना, दोस्रो चरणको १० वर्षमा सम्वृद्धि र सुखको तीव्रता तथा दिगो विकास लक्ष्यको प्राप्ति र अन्तिमको १० वर्षमा सम्वृद्धि र सुखको दिगोपना भन्ने नारा तय गरिएको छ ।

त्यस्तै १५ औ योजनामा १० दशमलव १ प्रतिशतको आर्थिक वृद्धिको लक्ष्य तय भएको छ भने निजि सार्वजनिक र सहकारी गरी ८७ खर्व ४३ अर्व लगानी गर्ने तय भएको छ । त्यसैको आधारमा १६ औ योजनामा ११ दशमलव ९ प्रतिश १७ औ योजनामा ११ दशलव ८ प्रतिशत १८ औ योजनामा १० दशमल ८ प्रतिशत र १९ औ योजनामा १० दशलव ३ प्रतिशतको आर्थिक वृद्धिको लक्ष्य दिर्घकालिन सोचमा तय गरिएको छ ।

१९ योजनाको समाप्ति सम्ममा प्रतिव्यक्ती आम्दानी १२ हजार ५ सय २४ कायम गर्ने लक्ष्य तय गरिएको छ भने कुल गार्हस्थ उत्पादनमा कृषिको योगदानलाई ९ दशमलव ६ प्रतिशतमा झार्ने, उद्योग क्षेत्रको योगदानलाई ३१ दशमलव ४ प्रतिशतमा पुर्याउने र सेवा क्षेत्रको योगदानलाई ५९ प्रतिशत कायम गर्ने दिर्घकालिन सोच आधारपत्रको मस्यौदामा उल्लेख छ ।


Leave a Reply

Your email address will not be published. Required fields are marked *