1. Home
  2. /
  3. आर्थिक, बैंक/विमा
  4. /
  5. नेपालको आर्थिक वृद्धिदर अर्को...

नेपालको आर्थिक वृद्धिदर अर्को वर्षसम्म ६ दशमलब २ प्रतिशतभन्दा माथि रहने एडिबीको निष्कर्श

२०७५, २१ चैत्र बिहीबार ०७:३१


काठमाडौं: विकास साझेदार एशियाली विकास बैंक एडिबीले नेपालको आर्थिक वृद्धिदर अर्को वर्षसम्म ६ दशमलब २ प्रतिशतभन्दा माथि रहने बताएको छ । नेपालको अर्थतन्त्र चालु आर्थिक वर्षमा ६ दशमलब २ प्रतिशत तथा आगामी वर्ष ६ दशमलब ३ प्रतिशतले वृद्धि हुने प्रक्षेपण एडिबीले गरेको हो ।

एडिबी नेपालका आवासीय निर्देशक मुख्तोर खामुद्खानोभले भूकम्पपछिको तीव्र पुनःनिर्माण एवं प्रदेश र स्थानीय सरकारहरुलाई ठूलो परिमाणमा बजेट विनियोजनले आर्थिक परिदृश्य स्थिरतातर्फ उन्मुख रहेको बताए छ । वित्तीय संघीयता कुशलतापूर्वक कार्यान्वयन तथा वित्तीय अनुशासन पालना गरेमा नेपालले लामो अवधिसम्म उच्च र दिगो आर्थिक वृद्धि हासिल गर्नसक्ने सम्भावना रहेको उनले बताए । कृषिक्षेत्रको वृद्धि गत आर्थिक वर्षको २ दशमलब ८ प्रतिशतबाट बढेर यो आर्थिक वर्षमा ४ दशमलब ५ प्रतिशत पुग्ने एडिबी म्याक्रोइकोनोमिक अपडेटले देखाएको छ ।

त्यसैगरी औद्योगिक क्षेत्र ७ दशमलब १ प्रतिशतले एवम् थोक तथा खुद्रा व्यापार, होटेल र रेस्टुरेन्ट तथा वित्तीय सेवाक्षेत्र ६ दशमलब ४ प्रतिशतले विस्तार हुने एडिबीको प्रक्षेपण छ । प्रतिवेदनले भारतमा मुद्रास्फीति केही उच्च रहने, पेट्रोलियम पदार्थको मूल्य स्थिर रहने र नयाँ संघीय संरचनाअन्तर्गत सरकारी खर्च उच्च रहने भएकाले वस्तु तथा सेवाको मूल्य वृद्धिदर भने ४ दशमलब ४ प्रतिशतमा पुग्ने अनुमान गरेको छ । आयातमा आधारित राजश्व संकलन लक्ष्यअनुसार भएपनि पूँजीगत खर्च आर्थिक वर्षको अन्तिम महिनामा मात्र हुने प्रवृत्ति हावी रहेको भन्दै एडिबीले सचेत गराएको छ ।


Leave a Reply

Your email address will not be published. Required fields are marked *