1. Home
  2. /
  3. ब्रेकिङ न्युज, मुख्य खबर, समाचार
  4. /
  5. राष्ट्रिय जनता पार्टी नेपालद्वारा...

राष्ट्रिय जनता पार्टी नेपालद्वारा सरकारलाई दिएको समर्थन फिर्ता, आन्दोलनको घोषणा

२०७५, २३ फाल्गुन बिहीबार ०७:५४


काठमाडौं: टीकापुर घटनाबारे अदालतको फैसलाप्रति आपत्ति जनाउँदै राष्ट्रिय जनता पार्टी राजपा नेपालले सकारलाई दिएको समर्थन फिर्ता लिने निर्णय गरेको छ ।

बबरमहलस्थित पार्टी कार्यालयमा बसेको राजपा अध्यक्ष मण्डलको बैठकले सरकारलाई दिएको समर्थन फिर्ता लिने र अदालतको फैसालाविरुद्ध विद्रोह गर्ने निर्णय गरेको हो । राजपाका नेताहरुले राजनीतिक मुद्धामा गलत नजिक स्थापना भएको भन्दै अदालतको फैसालाप्रति आपत्ति जनाएका छन् ।

७ भदौ २०७२ मा थरुहट आन्दोलन हुँदा टीकापुर घटनामा स‌ंलग्न रहेका आफ्नो पार्टीका सांसद रेशम चौधरीलाई अदालतले जन्मकैदको फैसला सुनाएसँगै राजपाले सरकारलाई दिएको समर्थन फिर्ता लिन बैठक बोलाइएको थियो । केही समय अघि मात्र राजपाको दवावमा सरकारले चौधरीलाई सांसदको शपथ गराएको थियो ।

बैठकपछि राजपाको जारी विज्ञप्तिमा भनिएको छ, ‘थरुहट आन्दोलनका नेता, कैलाली क्षेत्र नं. १ बाट निर्वाचित सांसद माननीय रेशमलाल चौधरी लगायतका आन्दोलनकारी नेता, कार्यकर्ताहरुलाई कैलाली जिल्ला अदालतले गरेको आजीवन कारावासको कैद सजायको फैसलाबाट राजपा नेपाललाई स्तब्ध र मर्माहत बनाएको छ । त्यसर्थ सरकारलाई समर्थन दिइरहनुको औचित्य नरहेकोले राजपा नेपालले केपी शर्मा ओली नेतृत्वको सरकारलाई दिइ आएको समर्थन आजकै मितिबाट फिर्ता लिने निर्णय गर्दछ ।’

त्यसैगरी शोषण, उत्पीडन र विभेदका विरुद्ध, पहिचान, अधिकार र सम्मानका लागि संघर्षरत बिचार मिल्ने अधिकारवादी एवं पहिचानवादी पार्टी, संगठन एवं समूहलाई एकता, मोर्चा एवं सहकार्य गर्न राजपा नेपाल आह्वान गरेको छ ।


Leave a Reply

Your email address will not be published. Required fields are marked *