1. Home
  2. /
  3. देश, प्रदेश ३, मुख्य खबर, विचार, समाचार
  4. /
  5. अकल्पनीय दुर्घटना रोक्न ध्यान...

अकल्पनीय दुर्घटना रोक्न ध्यान दिनुपर्छ

२०७५, १७ फाल्गुन शुक्रबार ११:३३


ताप्लेजुङमा भएको हेलिकप्टर दुर्घटनाले सम्पूर्ण मुलुक शोकमग्न भएको छ । दुर्घटनामा संस्कृति, पर्यटन तथा नागरिक उड्डयन मन्त्री रवीन्द्र अधिकारी लगायत सात जनाको निधन भएको छ ।

मौसम प्रतिकूल भएकाले काठमाडौं आउन नसक्ने जानकारी दुर्घटना हुनुभन्दा पहिले हेलिकप्टर चालकले त्रिभुवन विमानस्थलको एअर ट्राफिकलाई दिएको समाचार सार्वजनिक भएको छ । आयोगले यस विषयमा पनि पक्कै छानबिन गर्ने नै छ । आयन्दा यस्ता अकल्पनीय दुर्घटना रोक्न ध्यान दिनुपर्छ ।

मन्त्री अधिकारी तेह्रथुमको चुहानडाँडामा विमानस्थलको सम्भाव्यता अध्ययनका लागि प्राविधिकसहित गएका थिए । त्यहाँको कार्यक्रम सकेर फर्कने क्रममा ताप्लेजुङस्थित पाथीभरा देवीको दर्शन गर्न मन्त्री अधिकारीको टोली हेलिकप्टर लिएर पुग्यो । त्यहाँबाट काठमाडौं आउन लाग्दा हेलिकप्टर दुर्घटना भएको थियो । हेलिकप्टर दुर्घटनाग्रस्त भएको स्थान निकै विकट भएकाले मृतकहरूको शव खोज्न समेत निकै कठिन भएको थियो ।

विसं २०६३ को असोज ७ गत ताप्लेजुङकै गुन्सामा श्री एअरको हेलिकप्टर दुर्घटनामा तत्कालीन वन मन्त्री गोपाल राईको पनि मृत्यु भएको थियो । तत्कालीन प्रधानमन्त्री मनमोहन अधिकारी चडेको हेलिकप्टर पनि २०५१ सालमा दुर्घटनामा परेको थियो ।

यद्यपि, त्यस दुर्घटनामा चालकको कुशलताले कसैको पनि ज्यान गएन । दुर्घटनाको मूल कारण प्रतिकूल मौसम नै हुनसक्छ । सरकारले दुर्घटनाको छानबिनका लागि आयोग गठन गरिसकेको छ । त्यस आयोगले दुर्घटनाको यथार्थ कारण पहिल्याउने नै छ । समान प्रकृतिका दुर्घटना दोहोरिनु भने हाम्रो हवाइ उडान सुरक्षामा पो कमीकमजोरी रहेको वा उडान सुरक्षालाई महत्व नदिइएको दृष्टान्त हो । यसैले आयोगले दुर्घटनाका कारण खोज्नुका साथै आयन्दा यस्ता प्रकृतिका दुर्घटना दोहोरिन नदिने उपायहरू पनि पहिचान गर्न सक्नुपर्छ ।

सामान्य जनताको सुरक्षामा पनि राज्यले उत्तिकै ध्यान दिनुपर्छ तर विशिष्ट व्यक्तिहरूको सुरक्षामा विशेष ध्यान दिने गरिन्छ । कतिपय अवस्थामा विशिष्ट व्यक्तिलाई सुरक्षाकै कारण चाहेका ठाउँमा जानबाट सुरक्षाकर्मीले रोक्ने गरेका छन् । तर, कतिपय विशिष्ट व्यक्ति स्वयं नै सुरक्षा व्यवस्थालाई उति महत्व नदिने प्रकृतिका हुन्छन् ।

मौसम प्रतिकूल भएकाले काठमाडौं आउन नसक्ने जानकारी दुर्घटना हुनुभन्दा पहिले हेलिकप्टर चालकले त्रिभुवन विमानस्थलको एअर ट्राफिकलाई दिएको समाचार सार्वजनिक भएको छ । आयोगले यस विषयमा पनि पक्कै छानबिन गर्ने नै छ । आयन्दा यस्ता अकल्पनीय दुर्घटना रोक्न ध्यान दिनुपर्छ । मन्त्री अधिकारीलगायत उनको टोलीका सबै दिवंगत व्यक्तिहरूलाई भावपूर्ण श्रद्धाञ्जली !


र यो पनि...

राष्ट्रपति विद्यादेवी भण्डारीद्वारा आठौं राष्ट्रिय खेलकुद प्रतियोगिताको औपचारिक उद्घाटन हुँदै

आफ्नो कार्याकर्ता रिहा गर्न माग गर्दै विप्लव समुहले गरेको नेपाल बन्दको देशैभरि आंशिक प्रभाव

राष्ट्रिय गौरवको योजना पोखरा क्षेत्रीय अन्तर्राष्ट्रिय विमानस्थलको रनवे निर्माण पुरा

सर्वोच्चमा प्रस्तावित पाँच न्यायाधीशको संसदीय सुनुवाइ आज

भारतमा जारी १२औं संस्करणको आईपीएल क्रिकेटमा सनराइजर्सद्वारा चेन्नई सुपर किङ्स पराजित

भ्रष्टाचारको आरोप लागेका पेरुका पूर्व राष्ट्रपति अलन गार्सियाको उपचारको क्रममा निधन

पहिलो पटक अन्तरिक्षमा नेपालको आफ्नै स्याटेलाइट भू-उपग्रह अमेरिकाको भर्जिनिया तटबाट प्रक्षेपण

युभेन्टसलाई २-१ गोल अन्तरले हराउँदै आयाक्स सेमिफाइनलमा

बार्सिलोना च्याम्पियन्स लिग फुटबलको सेमिफाईनलमा प्रवेश


Leave a Reply

Your email address will not be published. Required fields are marked *