1. Home
  2. /
  3. आर्थिक, कर्पोरेट, ब्रेकिङ न्युज, मुख्य खबर, समाचार
  4. /
  5. अन्तर्राष्ट्रिय लगानी सम्मेलनमा उत्साहसँगै...

अन्तर्राष्ट्रिय लगानी सम्मेलनमा उत्साहसँगै लगानीकर्ताको चासो, विभिन्न परियोजनामा लगानीको प्रतिवद्धता

२०७५, १७ चैत्र आईतवार ०७:४४


काठमाडौं: राजनीतिक स्थिरतासँगै कानूनी, संरचनागत एवम् व्यावहारिक हिसाबले लगानीमैत्री वातावरण बनाइएको भन्दै लगानी सुरक्षामा सरकारले प्रतिवद्धता जनाएको लगानी सम्मेलनमा विकास साझेदार र विदेशी लगानीकर्ताले विभिन्न परियोजनामा लगानीको प्रतिवद्धता जनाएका हुन् ।

भारतीय कम्पनी सतलज जलविद्युत निगमले निर्माण गरिरहेको अरुण तेस्रोमा लगानी जुटेको छ । ९ सय मेगावाटको यो परियोजनामा स्टेट बैंक अफ इन्डिया, एभरेस्ट बैंक र नबिल बैंकले संयुक्त रुपमा लगानी गर्ने भएका हुन् । लगानीका लागि तीन बैंकले सतलज कम्पनीसँग प्रतिवद्धता गरेका हुन् । त्यसैगरी माथिल्लो त्रिशूलीमा कोरियन कम्पनीले ६ सय १५ मिलियन अमेरिकी डलर लगानीका लागि सम्झौता गरेको छ ।

डोल्मा हिमालयन पावरका प्रबन्ध निर्देशकबाट सोलार पावरमा ८० मिलियन अमेरिकी डलर लगानीको घोषणा गरेको छ । त्यसैगरी प्रदेश दुइका मुख्यमन्त्री र चौधरी समूहवीच सोलार पावर विकासका लागि समझदारी पत्रमा हस्ताक्षर भएको छ । यसका लागि चौधरी समूहले सराफ ग्रुप अफ मल्टिपर्पजवीच समझदारीपत्रमा हस्ताक्षर भएको छ ।

सिमरा विशेष आर्थिक क्षेत्र निर्माणका लागि इन्टरनेशनल फाइनान्स कर्पोरेशन आइएफसी र लगानी बोर्डवीच लगानी सम्झौता भएको छ । दक्षिण अफ्रिका र नेपालको लगानी बोर्डवीच साझेदारीको सम्झौता भएको छ । बनेपामा हिमालय बुटिक भिलेज रिसोर्ट निर्माणका लागि सिन्सिएर बुटिकको लगानी प्रतिवद्धता अएको छ । गैर अवासीय नेपाली संघले पूर्वाधारमा १० अर्ब रुपैंयाँ लगानी गर्ने प्रतिवद्धता जनाएको छ ।

सम्मेलन समापन समारोहमा विभिन्न विदेशी कम्पनी र विकास साझेदारका प्रतिनिधिले नेपालमा लगानीको उचित वातावरण बनेको धारणा राख्दै लगानीका लागि तयार रहेको धारणा व्यक्त गरेका छन् । सम्मेलन उद्घाटन सत्रमै सरकारको लगानीका लागि अह्वानसहित प्रतिपक्षी दलका नेता एवम् पूर्व अर्थमन्त्री डा. महतबाट समृद्धि फर्स्ट अवधारणासहितको लगानीका लागि आग्रह अनि उत्साहित निजीक्षेत्रसँगको हातेमालोले लगानी अपेक्षित उपलब्धि नजीक पुगेको छ । सम्मेलनका उपलब्धि उपयोग गर्न प्रशासनिक संयन्त्र थप इमान्दार, जिम्मेवार एवम् कर्तव्यनिष्ठ बन्नुपर्नेछ ।


र यो पनि...

राष्ट्रपति विद्यादेवी भण्डारीद्वारा आठौं राष्ट्रिय खेलकुद प्रतियोगिताको औपचारिक उद्घाटन हुँदै

आफ्नो कार्याकर्ता रिहा गर्न माग गर्दै विप्लव समुहले गरेको नेपाल बन्दको देशैभरि आंशिक प्रभाव

राष्ट्रिय गौरवको योजना पोखरा क्षेत्रीय अन्तर्राष्ट्रिय विमानस्थलको रनवे निर्माण पुरा

सर्वोच्चमा प्रस्तावित पाँच न्यायाधीशको संसदीय सुनुवाइ आज

भारतमा जारी १२औं संस्करणको आईपीएल क्रिकेटमा सनराइजर्सद्वारा चेन्नई सुपर किङ्स पराजित

भ्रष्टाचारको आरोप लागेका पेरुका पूर्व राष्ट्रपति अलन गार्सियाको उपचारको क्रममा निधन

पहिलो पटक अन्तरिक्षमा नेपालको आफ्नै स्याटेलाइट भू-उपग्रह अमेरिकाको भर्जिनिया तटबाट प्रक्षेपण

युभेन्टसलाई २-१ गोल अन्तरले हराउँदै आयाक्स सेमिफाइनलमा

बार्सिलोना च्याम्पियन्स लिग फुटबलको सेमिफाईनलमा प्रवेश


Leave a Reply

Your email address will not be published. Required fields are marked *