1. Home
  2. /
  3. आर्थिक, कर्पोरेट, प्रदेश ४, मुख्य खबर
  4. /
  5. आठ महिनाको अवधिमा गण्डकी...

आठ महिनाको अवधिमा गण्डकी प्रदेशमा २ अर्ब ७० करोड रुपैयाँ मात्रै खर्च

२०७५, १३ चैत्र बुधबार ०९:१०


पोखरा: गण्डकी प्रदेश सरकारको चालु आर्थिक वर्षको ८ महिनाको अवधिमा ९ प्रतिशत मात्रै बजेट खर्च भएको छ । कुल बजेटको ७० प्रतिशत बजेट खर्च गर्ने लक्ष्य राखेको प्रदेश सरकारले सुस्त गतिमा बजेट खर्च भएपछि लक्ष्य भेट्टाउन मुश्किल देखिएको छ । ८ महिनाको अवधिमा गण्डकी प्रदेशमा २ अर्ब ७० करोड रुपैयाँ मात्रै खर्च भएको छ । यो बजेटको ९ प्रतिशत मात्रै हो ।

गण्डकी प्रदेश सरकारले चालु खर्चतर्फ १ अर्ब ६४ लाख ९७ हजार रुपैयाँ खर्च गरेको छ । ६ अर्ब ९१ करोड चालु खर्च रहेको प्रदेश सरकारले ८ महिनाको अवधिमा १२ प्रतिशत मात्रै खर्च गरेको छ । त्यस्तै पुँजीगत खर्चतर्फ प्रदेश सरकारले १ अर्ब ६ करोड ६ लाख ३५ हजार मात्रै खर्च गरेको छ । १५ अर्ब ९० करोड बजेट छुट्याएको पुँजीगत खर्चतर्फ हालसम्म ७ प्रतिशत मात्रै खर्च भएको छ ।

बजेट खर्च नहुनुमा योजनाको अभाव, कर्मचारी अभाव, संघीयताको कार्यान्वयनमा देखिएको ब्यबहारिक अलमल, ऐन, कानुनको अभाव लगायतका कारण बजेट खर्चमा समस्या देखिएको गण्डकी प्रदेश सरकारका आर्थिक मामिला तथा योजना मन्त्री किरण गुरुङले बताए ।

गण्डकी प्रदेशमा सबै भन्दा धेरै खर्च गर्नेमा आर्थिक मामिला तथा योजना मन्त्रालय रहेको छ मन्त्रालयले चालु आर्थिक वर्षको ८ महिनाको अवधीमा ४५ प्रतिशत बजेट खर्च गरेको छ । पूर्वाधार विकास मन्त्रालयले ५ प्रतिशत, कृषि, भूमि सुधार तथा सहकारी मन्त्रालयले १८ प्रतिशत , उद्योग, पर्यटन, वन तथा वातावरण मन्त्रालयले १२ प्रतिशत, आन्तरिक मामिला तथा कानुन मन्त्रालयले ७ प्रतिशत र सामाजिक विकास मन्त्रालयले ६ प्रतशित बजेट खर्च गरेको छ । गण्डकी प्रदेशमा आर्थिक वर्ष २०७५/७६ का लागि २४ अर्ब २ करोडको बजेट प्रस्तुत गरेको थियो ।


र यो पनि...

आर्सनल र वाट्फोर्डले खेले बराबरी

त्रिदेशीय टी-ट्वान्टी क्रिकेट श्रृंखला अन्तर्गतको तेश्रो खेलमा अफगानिस्तान विजयी

हङकङमा जारी प्रदर्शनले उग्र रुप लिँदै, प्रदर्शनकारीमाथि पेट्रोल बम र पानीको फोहरा प्रहार

भारतको आन्ध्र प्रदेशमा डुङ्गा दुर्घटना हुँदा १२ जनाको मृत्यु, ३० जना बेपत्ता

कोशी सम्झौता कार्यान्वयन गर्न माग गर्दै किसानहरुले सुरु गरेको रिले अनसनको एक महिना पुरा

नागरिकता विवादित विधेयकबारे नेकपा र कांग्रेसका शीर्ष नेताबीच छलफल

सोमबार मध्यरातबाट पाँच साताका लागि बेलायती संसद् निलम्बन

आयरल्यान्डलाई हराउँदै जर्मन युरोकप छनोटको शीर्षस्थानमा उक्लियो

बेल्जियमको सानदार जित, स्कटल्याण्ड बाहिरियो


5 responses to “आठ महिनाको अवधिमा गण्डकी प्रदेशमा २ अर्ब ७० करोड रुपैयाँ मात्रै खर्च”

Leave a Reply

Your email address will not be published. Required fields are marked *