हिंसा र चन्दा आतंक छाडेर मूलधारको राजनीतिमा आउन विप्लव समूहलाई नेपाली कांग्रेसको आह्वान

२०७५, ६ चैत्र बुधबार ०७:४८


काठमाडौं: नेपाली कांग्रेसले नेत्रविक्रम चन्द नेतृत्वको नेकपालाई हत्या, हिंसा र चन्दा आतंकको बाटो छाडेर आफै सहभागी भएको संघीयता, गणतन्त्र र समुन्नतिको बाटोमा आउन आह्वान गरेको छ ।

मंगलबार बसेको केन्द्रीय कार्यसमिति बैठकले चन्द नेतृत्वको नेकपालाई हत्या, हिंसा र चन्दा आतंकको बाटो छोडेर मूलधारको राजनीतिमा आउन आह्वान गरेको छ । बैठकले संवाद र सहमतिकै बाटोबाट चन्द नेतृत्वको नेकपालाई विश्वासमा लिएर अघि बढ्न र सरकारलाई शासकीय क्षमता प्रर्दशन गर्नपनि आग्रह गरेको छ ।

निषेधबाट नभई संवाद र सहमतिकै आधार चन्द नेतृत्वको नेकपालाई विश्वास लिएर अघि बढन सरकारलाई आग्रह गरिएको पार्टी प्रवक्ता विश्वप्रकाश शर्माले जानकारी दिए । बैठकले पार्टीको केन्द्रीय निर्वाचन समितिलार्इ पनि पूर्णता दिएको छ । बैठकले सांसद एवं वरिष्ठ अधिवक्ता राधेश्याम अधिकारीको संयोजकत्वमा ५ सदस्यीय निर्वाचन समिति गठन गरेको हो ।

समितिका सदस्यहरुमा खम्बबहादुर खाती, एकराज पोखरेल, गोपालकृष्ण घिमिरे र सिताराम केसी रहेको प्रवक्ता शर्माले जानकारी दिनुभयो । त्यसैगरी महासमिति बैठकले तयार पारेको विधानलाई पारित गर्न नेता रमेश लेखक नेतृत्वको नियमावली निर्माण समिति पनि गठन गरेको छ । विधान अनुमोदनका लागि नेता लेखक संयोजक र इश्वरी न्यौपाने, मीन विश्वकर्मा, प्रदीप पौडेल र जीवन परियार सदस्य रहेको नियमावली निर्माण समिति गठन गरेको हो । त्यसैगरी बैठकले नेता भिष्मराज आङदम्बे संयोजक रहेको केन्द्रिय अनुशासन समितिमा पनि उमाकान्त चौधरी र धनराज गुरुङलार्इ थप गरी पूर्णता दिएको छ ।


र यो पनि...

राष्ट्रपति विद्यादेवी भण्डारीद्वारा आठौं राष्ट्रिय खेलकुद प्रतियोगिताको औपचारिक उद्घाटन हुँदै

आफ्नो कार्याकर्ता रिहा गर्न माग गर्दै विप्लव समुहले गरेको नेपाल बन्दको देशैभरि आंशिक प्रभाव

राष्ट्रिय गौरवको योजना पोखरा क्षेत्रीय अन्तर्राष्ट्रिय विमानस्थलको रनवे निर्माण पुरा

सर्वोच्चमा प्रस्तावित पाँच न्यायाधीशको संसदीय सुनुवाइ आज

भारतमा जारी १२औं संस्करणको आईपीएल क्रिकेटमा सनराइजर्सद्वारा चेन्नई सुपर किङ्स पराजित

भ्रष्टाचारको आरोप लागेका पेरुका पूर्व राष्ट्रपति अलन गार्सियाको उपचारको क्रममा निधन

पहिलो पटक अन्तरिक्षमा नेपालको आफ्नै स्याटेलाइट भू-उपग्रह अमेरिकाको भर्जिनिया तटबाट प्रक्षेपण

युभेन्टसलाई २-१ गोल अन्तरले हराउँदै आयाक्स सेमिफाइनलमा

बार्सिलोना च्याम्पियन्स लिग फुटबलको सेमिफाईनलमा प्रवेश


Leave a Reply

Your email address will not be published. Required fields are marked *