1. Home
  2. /
  3. कर्पोरेट, ब्रेकिङ न्युज, मुख्य खबर, समाचार
  4. /
  5. नेपाल बायुसेवा निगममा अर्को...

नेपाल बायुसेवा निगममा अर्को अनियमितताको आशंका

२०७५, २८ फाल्गुन मंगलवार ०७:५३


काठमाडौं: नेपाल वायु सेवा निगम सञ्चालक समिति सदस्यले निगमको जहाज मर्मतका लागि आह्वान भएको टेण्डरबारे अनभिज्ञता प्रकट गरेका छन् ।

टेण्डर प्रक्रियामा अनियमितता भएको भन्दै छानविनका लागि निवेदन परेपछि सार्वजनिक लेखा समितिले निगम सञ्चालक समितिका सदस्यलाई बैठकमा बोलाएको थियो । बैठकमा उपस्थित सञ्चालक समितिका दुई सदस्यले टेण्डर प्रक्रियाबारे आफूहरुलाई कुनै जानकारी नभएको बताएका हुन् ।

निगमका अध्यक्ष र महाप्रबन्धकले यससम्बन्धमा सञ्चालक समितिमा छलफलसमेत नगरेको खुलासा समेत उनीहरुले गरे । टेण्डर प्रक्रिया सम्बन्धमा सञ्चालक समिति सदस्य समेत बेखबर हुनुले निगम सञ्चालनको प्रक्रिया र अवस्थामै गम्भीर प्रश्न उठेको भन्दै लेखा समिति सदस्यले आपत्ति जनाएका थिए ।

बैठकमा निगम सञ्चालक समिति सदस्य अच्युतराज पहाडी र बुद्धिसागर लामिछाने पनि उपस्थित थिए । निगमको ए थ्री टू जेरो जहाज मर्मतको टेन्डर खुलाएर रद्द गरी पुन टेन्डर आह्वान गर्दा अनियमितता भएको भन्दै छानविनको लागि समितिमा निवेदन परेको थियो । यसअघि निगमलाई तत्काल लिखित विवरण माग गरेको समितिले सञ्चालक समिति सदश्यसँग समेत जवाफ मागेको हो ।


Leave a Reply

Your email address will not be published. Required fields are marked *