पार्टी एकतापछि आज पहिलोपटक नेकपाका अध्यक्षद्वयले आमसभामा सम्बोधन गर्दै, दुई नम्वर प्रदेशमा सुरक्षा व्यवस्था कडा

२०७५, २५ फाल्गुन शनिबार ०९:०५


काठमाडौं: सत्तारुढ नेपाल कम्युनिष्ट पार्टी नेकपाले मधेशमा आयोजना गर्न लागेको जनसभालाई पार्टीका अध्यक्षद्वय केपी शर्मा ओली र पुष्पकमल दाहालले सम्बोधन गर्ने भएका छन् ।

नेकपाको प्रदेश २ कमिटिले आज रौतहटको गरुढामा आयोजना गर्ने जनसभालाई पार्टीका दुबै अध्यक्षले सम्बोधन गर्ने जनाइएको छ । सरकार गठन भएको एक वर्ष पुगेको र मधेश कस्तो प्राथमिकतामा छ ? भन्ने विषयमा ओली र दाहालले सम्बोधन गर्ने छन् । मधेसीमाथि भएको विभेद हटाउन, यहाँको गरिबी हटाउन, पछौटेपन हटाउन र सरकारले मधेसको विकासका लागि गरेका काम र गर्ने काम जनतामाझ राख्न कार्यक्रम आयोजना गर्न लागिएको जनाइएको छ ।

पार्टीको नेतृत्वमा सरकार भएको हुनाले सरकारले समृद्ध नेपाल, सुखी नेपाली’ नारा अनुसार के-के भइरहेको छ सरकारको एक वर्ष कसरी बित्यो, मधेशका लागि के-के योजना छन् कस्तो प्राथमिकतामा मधेश परेको छ यी कुरामा अध्यक्षद्धयको सम्बोधन केन्द्रित हुने प्रदेश इन्चार्ज सत्यनारायण मण्डलले जानकारी दिएका छन् । पार्टी एकीकरणपछि नेकपाले मधेसमा एउटा पनि सभा गरेको थिएन । आज १२ बजेबाट शुरु हुने कार्यक्रमका लागि सुरक्षा व्यवस्था चुस्त पारिएको छ ।।


Leave a Reply

Your email address will not be published. Required fields are marked *