1. Home
  2. /
  3. विज्ञान/प्रविधि
  4. /
  5. नोकिया नाइनमा एकसाथ ५...

नोकिया नाइनमा एकसाथ ५ क्यामराले फोटो खिच्ने

२०७५, १४ फाल्गुन मंगलवार १६:३४


नोकियाको नयाँ स्मार्टफोन नोकिया नाइन अहिलेसम्मकै उत्कृष्ट फोटो क्वालिटी दिने स्मार्टफोन बन्ने देखिएको छ ।

नोकियाको यो फोनबाट फोटो खिच्दा पछाडिको भागमा रहने ५ वटा मुख्य क्यामराले एकसाथ फोटो खिच्नेछन् र ति सबै क्यामराले कैद गरेका फोटो एकत्रित गरेर पूर्ण तस्वीर तयार हुनेछ ।

यसले स्मार्टफोन क्यामराबाट हुने अहिलेसम्मकै उत्कृष्ट गुणस्तरको तस्वीर तयार हुनेछ ।

यसरी एकसाथ ५ वटा क्यामरामा कैद गरेको तस्वीरलाई एकत्रित गर्दा सुक्ष्म तथा बिहंगम दृश्ययुक्त तस्वीर तयार हुन्छ, जसलाई यसको ओरिजिनल अवस्थामा असर नपर्नेगरी अधिकतम रुपमा सम्पादन गर्न समेत सहज हुने नोकियाले दाबी गरेको छ ।

नोकियाका अनुसार यो स्मार्टफोनको क्यामराले लिने तस्वीर २ सय ४० मेगापिक्सेल रिजोलुसन सम्मको हुनेछ ।

तर कतिपय विश्लेषकहरुले चाहीँ यो डिभाइस स्मार्टफोन बजारका लागि चुनौतिपूर्ण हुने बताएका छन् ।

यो नोकिया नाइन स्मार्टफोनका ५ वटै रियर क्यामरा १२ मेगापिक्सेलका रहेका छन् । साथै डेप्थ रिडिङका लागि यसमा इन्फ्रारेड सेन्सर पनि रहेको छ ।

ती मध्ये दुईवटा क्यामरामा रङ कैद गर्नका लागि रेड–ग्रिन–ब्लू सेन्सर रहेको छ । अन्य तिनवटा मोनोक्रोम सेन्सर रहेको छ ।

नोकिया ब्राण्डको स्वामित्व रहेको निर्माता एच एम डी ग्लोबलका अनुसार अत्याधुनिक डिजिटल क्यामरा भन्दा कम क्षमतायुक्त भएपनि यो स्मार्टफोनको क्यामरा विद्यमान सबै खाले स्मार्टफोन भन्दा उत्कृष्ट रहेको छ ।

नोकिया प्यू भ्यू स्मार्टफोन मोबाइल वल्र्ड कंग्रेसको पूर्व सन्ध्यामा सार्वजनिक गरिएको हो । यसको मूल्य ६ सय ९९ डलर तोकिएको छ ।

एजेन्सी


र यो पनि...

राष्ट्रपति विद्यादेवी भण्डारीद्वारा आठौं राष्ट्रिय खेलकुद प्रतियोगिताको औपचारिक उद्घाटन हुँदै

आफ्नो कार्याकर्ता रिहा गर्न माग गर्दै विप्लव समुहले गरेको नेपाल बन्दको देशैभरि आंशिक प्रभाव

राष्ट्रिय गौरवको योजना पोखरा क्षेत्रीय अन्तर्राष्ट्रिय विमानस्थलको रनवे निर्माण पुरा

सर्वोच्चमा प्रस्तावित पाँच न्यायाधीशको संसदीय सुनुवाइ आज

भारतमा जारी १२औं संस्करणको आईपीएल क्रिकेटमा सनराइजर्सद्वारा चेन्नई सुपर किङ्स पराजित

भ्रष्टाचारको आरोप लागेका पेरुका पूर्व राष्ट्रपति अलन गार्सियाको उपचारको क्रममा निधन

पहिलो पटक अन्तरिक्षमा नेपालको आफ्नै स्याटेलाइट भू-उपग्रह अमेरिकाको भर्जिनिया तटबाट प्रक्षेपण

युभेन्टसलाई २-१ गोल अन्तरले हराउँदै आयाक्स सेमिफाइनलमा

बार्सिलोना च्याम्पियन्स लिग फुटबलको सेमिफाईनलमा प्रवेश


Leave a Reply

Your email address will not be published. Required fields are marked *