1. Home
  2. /
  3. कर्पोरेट, मुख्य खबर
  4. /
  5. औद्योगिक व्यापार मेलामा रिद्धि...

औद्योगिक व्यापार मेलामा रिद्धि सिद्धी सिमेन्टको निशुल्क बस सेवा

२०७५, १४ फाल्गुन मंगलवार १४:०७


काठमाडौं: मकवानपुर उद्योग वाणिज्य संघको मुख्य आयोजनामा हुन लागेको राष्ट्रिय औद्योगिक व्यापार मेला अवलोकन गर्न सहज होस भन्ने हेतुले हेटौंडा १५ मा रहेको रिद्धि सिद्धि सिमेन्ट उद्योगले हेटौंडा बजारबाट मेला स्थल हेटौंडा ५ क्याम्पा डाँडासम्म निशुल्क ओसार पसार गर्ने भएको छ ।

पत्रकार सम्मेलन गर्दै सिमेन्टले उद्योगको उत्पादनलाई सहज ढंगले आमउपभोक्ता समक्ष पुरयाउन समय समयमा र विभिन्न स्थानहरुमा हुने मेला प्रदर्शनीहरुको ठूलो भूमिका रहने बताएको छ । मकवानपुर उद्योग वाणिज्य संघको आयोजना हुन गइरहेको राष्ट्रिय औद्योगिक व्यापार मेलामा सहभागी हुन पाउँदा खुसी भएको क्षेत्रीय विक्री प्रबन्धक विक्रम खतिवडाले बताए ।

विभिन्न पेशा, व्यापार, उद्योगमा संलग्न व्यक्ति, युवा, वृद्ध, तथा विद्यार्थीवर्ग गरी करिव ५ लाख अवलोकनकर्ताले अवलोकन गर्ने यस मेलाको लागि रिद्धि सिद्धि सिमेन्टको तर्फबाट ३ वटा निशुल्क बस सेवा संचालन गरिने बताए । फाल्गुन १६ गते देखी संचालन हुने मेलामा हेटौंडाको बिभिन्न स्थानबाट निशुल्क बस सेवा संचालन गरि दैनिक २ हजार जनालाई प्रत्यक्ष सेवादिने लक्ष्य रहेको समेत खतिवडाले बताए ।

शंकर ग्रुप र अम्बे ग्रुपको संयुक्त लगानीमा निर्माण सम्पन्न हुनै लागेको रिद्धि सिद्धि सिमेन्टले यस्तो मेलाको अवसरमा सेवा प्रदान गर्न लागेकोमा संघका वरिष्ठ उपाध्यक्ष माधव न्यौपानेले धन्यवादका साथ संग संगै सहकार्य गरि अघि बढ्ने समेत बताए । कार्यक्रममा संघका उपाध्यक्ष कृष्णकुमार गुप्ता, कार्यसमिति सदस्य दीपक उप्रेती, सिमेन्ट उद्योगका प्रतिनिधि, संचारकर्मीहरुको उपस्थिती रहेको थियो ।।

 

 


Leave a Reply

Your email address will not be published. Required fields are marked *