विश्वकप २०२२ को छनौट खेलमा समाहलिना नसक्दा अर्जेन्टिना कोलम्बियासँग बराबरीमा रोकिएको छ


एजेन्सीः फिफा विश्वकप २०२२ को छनौट खेलमा अर्जेन्टिना कोलम्बियासँग २-२ गोलको बराबरी रोकिएको छ ।

दक्षिण अमेरिकी छनौट खेल अन्तर्गत कोलम्बियाको घरेलु मैदानमा अर्जेन्टिनाले अग्रता लिएको थियो ।

अर्जेन्टिनाले शुरुवाती १० मिनेटमै दुई गोल गर्न सफल भएको थियो ।

खेलको तेस्रो मिनेटमा डिफेन्डर क्रिस्टियन रोमेरोको हेडर गोल मार्फत अर्जेन्टिनाको अग्रता दोब्बर बनाएको थियो ।

पीएसजीका मिडफिल्डर पारेडेसले निकोलस गोल्जालेजको पासमा अर्जेन्टिनाको लागि दोस्रो गोल गर्न सफल भएका थिए ।

पहिलो हाफमा अर्जेन्टिनाले खेलमा पकड राख्दै २–०गोलले अगाडि थियो ।

घरेलु टोली कोलम्बियाले दोस्रो हाफको ५१औं मिनेटमा गोल फर्कायो ।

लुविस मुरीयेलले पेनाल्टीमा गोल गर्दै कोलम्बियालाई २–१ को स्थितिमा फर्काए ।

दोस्रो हाफमा प्रतिस्थापन भएर मैदान प्रवेश गरेका मिगेल बोर्जाले अतिरिक्त समयको चौथौं मिनेटमा हेडर गोल गर्दै कोलम्बियालाई २-२ को बराबरीमा पुर्याए ।

दुई गोलको अग्रता जोगाउन नसक्दा अर्जेन्टिना पुनः जितविहिन भएको हो ।

कोनमेबोल विश्वकप  २०२२ को छनौट अन्तर्गत अर्जेन्टिना अंक तालिकाको दोस्रो स्थानमा रहेको छ ।

६ खेलमा ३ जित र ३ बराबरी खेलेको अर्जेन्टिनाको १२ अंक रहेको छ ।

त्यस्तै कोलम्बिया भने अंक तालिकाको ५औं स्थानमा रहेको छ ।

६ खेलमा समान २ जित, २ बराबरी र २ हार बेहोरेको कोलम्बियाको ८ अंक रहेको छ ।

यो पनि पढ्नु होस्

https://www.akhabarnepal.com/%E0%A4%B6%E0%A5%80%E0%A4%B0%E0%A5%8D%E0%A4%B7-%E0%A4%9C%E0%A4%BE%E0%A4%AA%E0%A4%BE%E0%A4%A8%E0%A5%80-%E0%A4%AD%E0%A4%BE%E0%A4%87%E0%A4%B0%E0%A5%8B%E0%A4%B2%E0%A4%9C%E0%A4%BF%E0%A4%B7%E0%A5%8D%E0%A4%9F