रहेनन् ‘बेनीको बजार, जता मायाँ उतै छ नजर…’ का गायक टीकाबहादुर श्रेष्ठ


काठमाडौं: ‘बेनीको बजार, जता मायाँ उतै छ नजर, तिरेमिरे जालि रुमाल’ बोलको गीतका सर्जक तथा गायक टीकाबहादुर श्रेष्ठको निधन भएको छ ।

 

म्याग्दीबाट बसाइँ सरी रुपन्देहीमा बसोवास गर्दै आएका श्रेष्ठको ७५ वर्षको उमेरमा बुटवलमा निधन भएको हो ।

 

गायक श्रेष्ठले ‘बेनीको बजार, जता मायाँ उतै छ नजर…’ बोलको गीत २०३१ सालमा रेडियो नेपालमा रेकर्ड गरेपछि विश्वभरका नेपालीमाझ निकै चर्चामा आएको थियो ।

 

श्रेष्ठकी श्रीमती मन छन्त्याल र रचनाकार श्रेष्ठको युगल स्वर रहेको यो गीत अहिलेसम्म पनि चर्चाको शिखरमा छ ।

 

लामो समयसम्म मिर्गौला सम्बन्धी समस्याले ग्रसित गायक श्रेष्ठले निरन्तररूपमा डायलासिस गरिरहेका थिए ।

 

विसं २०१९ साल फागुन ७ गते प्रजातन्त्र दिवसका दिन काठमाडौँको राष्ट्रिय नाचघरमा पहिलो पटक श्रेष्ठले ‘बेनीको बजार, जता मायाँ उतै छ नजर…’ बोलको गीत गाएका थिए ।

 

सो कार्यक्रममा नेपालका १४ अञ्चलबाट आएका कलाकारलाई उछिनेर श्रेष्ठ दम्पतीको बेनीको बजार बोलको गीत नै प्रथम भएको थियो ।

 

त्यसपछि सोही गीत २०३१ सालमा रेडियो नेपालमा रेकर्ड गरिएको थियो ।

 

काठमाडौंका सार्वजनिक स्थानमा होली खेल्ने र कार्यक्रम आयोजना गरेमा पक्राउ गर्न गृहमन्त्रालयको निर्देशन