मिस युनिभर्स नेपाल २०२० को ताज अनिष्का शर्मालाई


काठमाडौं: मिस युनिभर्स नेपाल २०२० को उपाधि अनिष्का शर्माले जितेकी छिन् ।

राजधानीमा आयोजित ग्रान्ड फिनालीमा पूर्व मिस युनिभर्स नेपाल नग्मा श्रेष्ठले शर्मालाई ताज लगाइदिइन् ।

अष्ट्रेलिया निवासी २४ वर्षिया शर्माले आफ्नो उत्तरबाट निर्णायकलाई खुशि पारेकी थिइन् ।

कोभिड–१९ पछि तपाइँले सिकेको एउटा पाठ के हो भनेर निर्णायकले सोधेका थिए ।

अनिष्काको जवाफ थियो ‘म कोभिड–१९ ले सिर्जना गरेको संकट फेस गर्न म जहिल्यै तयार छु । तर, यो संकटले अर्थतन्त्र महत्वपूर्ण हो भन्ने सिकाएको छ । यो कुरा ख्याल गरेर हामी अगाडि बढ्नुपर्छ ।’

जितसँगै अनिष्काले १० लाख नगद र मिस युनिभर्सको अन्तराष्ट्रिय प्रतिस्पर्धामा भाग लिने मौका पाउनेछिन् ।

आफूलाई शैक्षिक अभियन्ता पनि मान्ने शर्माले मिस फियर्सको सब–टाइटल पनि जितिन् ।

मिस नेपाल अमेरिका सुजिता बस्नेतले फस्ट–रनरअपको उपाधि जितिन् ।

नीनाकान्त मण्डलले सेकेन्ड रनरअपको उपाधि जितिन् । न्यान्सी खड्का फोर्थ रनरअप भइन् ।

फिनालीमा १८ जना सुन्दरीले भाग लिएका थिए ।

पूर्वमिस नेपाल माल्भिका सुब्बा, मेगा बैंककी सीइओ अनुपमा खुन्जेली, अभिनेत्री उषा रजक लगायत निर्णायकमा थिए ।

 

र यो पनि…

ताप्लेजुङको पाथीभरा क्षेत्रमा लागेको डढेलोका कारण दुर्लभ वन्यजन्तु रेडपाण्डाको बासस्थान नष्ट

 



Leave a Reply

Your email address will not be published. Required fields are marked *