महिला लघुवित्त वित्तीय संस्थाले ६ करोड बढी खुद नाफा गर्यो


काठमाडौं:  महिला लघुवित्त वित्तीय संस्थाले  चालू आर्थिक वर्षको तेस्रो त्रैमाससम्म रू. ६ करोड ४२ लाख ४३ हजार खुद नाफा गरेको छ । गत वर्षको यसै अवधिको तुलनामा कम्पनीले ११२ दशमलव ६६ प्रतिशत बढी खुद नाफा गरेको हो । कम्पनीले गत वर्ष यस अवधिसम्म रू. ३ करोड २ लाख २५ हजार यो नाफा गरेको थियो ।

 

यस वर्ष सञ्चालन नाफा भने करिब १५० प्रतिशत बढी भएको छ । गत वर्ष रू. ३ करोड १७ लाख ११ हजार सञ्चालन नाफा गरेको महिला लघुवित्त वित्तीय संस्थाले यस वर्ष रू. ७ करोड ९२ लाख ४६ हजार यो नाफा गरेको हो । गत माघमा सर्वसाधारणलाई आईपीओ जारी गरी चैत ३ गतेदेखि धितोपत्र दोस्रो बजारमा कारोबार सुरु भएको यस कम्पनीको छोटो अवधिभित्रै शेयरमूल्य निरन्तर उच्च दरमा बढेर रू. ३ हजार १२५ पुगेको छ ।

 

हाल महिला लघुवित्त वित्तीय संस्था लिमिटेडको चुक्तापूँजी रू. १० करोड रहेको छ । जगेडा कोष रकम गत वर्षभन्दा ६६ दशमलव ६७ प्रतिशत बढी रू. १९ करोड १८ लाख ३९ हजार कायम भएको छ । यस वर्ष कम्पनीले गत वर्षभन्दा १४७ प्रतिशत बढी रू. २ अर्ब १९ करोड ८५ लाख ५१ हजार कर्जा सापटी लिएको छ । गत वर्षभनदा ३२ दशमलव ४९ प्रतिशत बढी रू. ८६ करोड २८ लाख ६४ हजार निक्षेप संकलन गरेको कम्पनीले गत वर्षभन्दा ८८ दशमलव ७८ प्रतिशत बढी रू. ३ अर्ब १८ करोड ९४ लाख कर्जा प्रवाह गरेको छ ।

 

गत वर्ष यस अवधिसम्म २ दशमलव ५३ प्रतिशत रहेको निष्क्रिय कर्जा यस वर्ष २ दशमलव २५ प्रतिशतमा झरेको छ । तेस्रो त्रैमाससम्म कम्पनीको प्रतिशेयर आम्दानी रू. ८५ दशमलव ६६ र प्रतिशेयर नेटवर्थ रू. २९१ दशमलव ८४ रहेको छ ।

 

यो पनि पढ्नुहोस् :

नेपाल राष्ट्र बैंकले विद्युतीय माध्यमबाट सेवा प्रदान गर्न निर्देशन