बागमती प्रदेशको राजधानी हेटौंडामा भीडभाड बढेपछि प्रहरीद्वारा निषेधाज्ञामा थप कडाइ


काठमाडौं: हेटौंडामा जारी निषेधाज्ञाको अवधिमा भीडभाड बढेपछि प्रहरीले थप कडाइ गर्न थालेको छ ।

 

स्थानीय प्रशासनले बिहानको समयमा उपभोग्य वस्तु बिक्री वितरण गर्न अनुमति दिएसँगै बिहानको समय हेटौँडा बजारमा भीडभाड देखिएपछि प्रहरीले थप कडाइ गर्न थालेको हो ।

 

जिल्ला प्रशासन कार्यालय मकवानपुरको कोभिड-१९ सङ्‍कट व्यवस्थापनले बजार निषेधाज्ञामा बजार क्षेत्र भीडभाड नहोस् भन्दै उपभोग्य वस्तु बिहान ४:०० देखि ९:०० बजेसम्म बिक्री वितरण गर्न अनुमति दिएपछि बजार क्षेत्रमा भने अत्यधिक भीड हुने गरेको छ ।

 

विशेषगरी हेटौँडा बजारको बुद्धचोक, उद्योग वाणिज्य सङ्‍घ क्षेत्र, कान्तिराजपथ, सीमाचोक, शीतलमहलचोक, सोनोपोखरा चोक, सङ्‍गमचोक, स्कूल रोडलगायत स्थानमा अत्यधिक भीड देखिएको हो ।

 

बजार क्षेत्रमा निजी सवारीसाधनको पनि भीडभाड देखिएपछि प्रशासनले निषेधाज्ञा पालना गराउन व्यापक प्रहरी परिचालन गरेको छ ।