फ्रान्समा कोरोना भाइरस संक्रमणबाट एकैदिनमा थप झण्डै ४२ हजार जना संक्रमित


एजेन्सीः फ्रान्समा कोरोनाभाइरसबाट एकैदिनमा थप झण्डै ४२ हजार जना संक्रमित भएका छन् ।

 

सरकारी अधिकारीहरुले दिएको जानकारी अनुसार पछिल्लो २४ घण्टामा फ्रान्समा ४१ हजार ८ सय ६९ जना कोरोनाभाइरसबाट संक्रमित भएका हुन् ।

 

त्यसैगरी अन्य ८ सय ७९ जनाको कारोनाभाइरसकै कारण मृत्यु भएको फ्रान्सको स्वास्थ्य मन्त्रालयले जनाएको छ ।

 

फ्रान्समा अहिलेसम्म कोरोनाभाइरसबाट ४४ लाख ६५ हजार ९ सय ५६ जना संक्रमित भएको मन्त्रालयको तथ्यांक छ ।

 

अघिल्लो वर्ष सन् २०२० को जनवरीदेखि अहिलेसम्म फ्रान्समा कोरोनाभाइरसका कारण ९४ हजार २ सय ७५ जनाको मृत्यु भएको छ ।

 

कुल संक्रमितहरुको संख्याका आधारमा फ्रान्स पाँचौ अग्रस्थानमा रहेको छ ।

 

सबैभन्दा बढी अमेरिकामा संक्रमित रहेका छन् भने त्यसपछि क्रमशः ब्राजिल, भारत र रुसमा धेरै संक्रमितहरु रहेका छन् ।

 

फ्रान्समा भन्दा पछाडी छैठौ स्थानमा बेलायत रहेको छ ।

 

दिवंगत नेपाली कांग्रेस नेता नवीन्द्रराज जोशीको सम्मानमा तीन दिन पार्टीको झण्डा आधा झुकाउने