नर्भिक इन्टरनेसनल हस्पिटल ‘कोभिड अस्पताल’मा रुपान्तरण


काठमाडौं:  नर्भिक इन्टरनेसनल हस्पिटल ‘कोभिड अस्पताल’ का रुपमा रुपान्तरण भएको छ। वर्तमान समयको आवश्यकतालाई ध्यानमा राख्दै नर्भिकले आफूलाई ‘कोभिड अस्पताल’ का रुपमा रुपान्तरण गर्दै सेवा दिन सुरु गरेको हो ।

 

नर्भिक इन्टरनेसनल हस्पिटल आफ्नो सेवालाई कोभिड केन्द्रित गरेको र त्यसलाई थप परिष्कृत गर्दै बिरामीहरुको अनुरोधलाई ध्यानमा राखेर कोभिड अस्पतालमा रुपान्तरण भएको हो ।

 

नर्भिकले कोभिड संक्रमणको दोस्रो लहर सुरु भएसँगै यो अवस्थाको आँकलन गरी अस्पताललाई कोभिड अस्पतालमा रुपान्तरण गरिसकेको थियो। प्रधानमन्त्री केपी शर्मा ओलीबाट सबै ठूला अस्पताललाई कोभिड अस्पतालको रुपमा रुपान्तरणका लागि भएको घोषणाको स्वागत गरेको छ ।

 

नर्भिक अस्पतालमा हाल उपलब्ध १३५ शय्यामध्ये ९० शय्या कोभिड शय्याका रुपमा रुपान्तरण गरिएको छ । ती ९० शय्या कोभिडका बिरामीले भरिएका छन् । नर्भिकमा रहेका ३५ आइसियू बेडमा पनि कोभिडकै सिकिस्त बिरामीलाई राखिएको छ । सरकारको नीति–निर्देशनभित्र रहेर शय्या संख्या थप गर्ने विषयमा गृहकार्य गरिरहेको अस्पताल श्रोतले जनाएको छ ।

 

यो पनि पढ्नुहोस्:

नेपाली कांग्रेस प्रवक्ता विश्वप्रकाशलाई कोरोना संक्रमण