डिजिटल प्लेटफर्म मार्फत अवैध रुपमा जुवामा लगानी गरे कारबाही


काठमाडौं:  डिजिटल प्लेटफर्म मार्फत अवैध रुपमा जुवामा लगानी गरे कारबाही हुने भएको छ । विज्ञापन बोर्डले एक विज्ञप्ति जारी गर्दै यस्तो चेतावनी दिएको हो ।

 

सञ्चार तथा सूचना प्रविधि मन्त्रालय मातहतको विज्ञापन बोर्डले ‘वान एक्सवेट डटकम’ का नाममा विभिन्न डिजिटल प्लेटफर्म मार्फत अवैध रुपमा जुवामा लगानी गरे कारबाही गर्ने चेतावनी दिएको छ ।  बोर्डले प्लेटफर्ममार्फत लगानी गर्न सकिने सम्बन्धी विज्ञापन दिई कारोबार नगर्न अपिल गरेको छ ।

 

नेपालमा केही समययता उक्त साइटका नाममा अवैध जुवामा लगानी गर्न सकिने सम्बन्धी विज्ञापन दिई कारोबार भइरहेकोले ‘‘यस्ता कार्य विज्ञापन (नियमन गर्ने) ऐन, २०७६ को दफा ५को उपदफा (ज्ञ) को खण्ड (ख) को व्यवस्थाविपरीत भएकोले तत्काल त्यस्ता गतिविधि बन्द गर्न, त्यस्ता विज्ञापन तथा भिडियोहरु डिजिटल प्लेटफर्मबाट हटाउन सूचित गरिन्छ।’ विज्ञप्तिमा भनिएको छ ।

 

यो पनि पढ्नुहोस् :

स्वास्थ्यकर्मी तथा स्वास्थ्य संस्थाको सुरक्षासम्बन्धी कडा कानुन