चर्चित गायक प्रमोद निर्वाणले भ्यालेन्टाइन डे अर्थात् प्रणय दिवसको अवसरमा सांगीतिक प्रस्तुति दिँदै


काठमाडौं: आज १४ फेब्रुअरी अर्थात् भ्यालेन्टाइन डे विश्वभर नै युवायुवतीहरुले भ्यालेन्टाइन डे अर्थात् प्रणय दिवसको रुपमा मनाइने गरिएको छ ।

युवापुस्तामा बढी लोकप्रिय रहेको यो दिवसमा नयाँ प्रेमी प्रेमीकाले प्रेम प्रस्ताव राख्ने दिनका रुपमा पनि लिने गरेका छन् ।

प्रणय दिवसको अवसरमा युवा युवतीहरुको ढुकढुकी अर्थात् चर्चित गायक प्रमोद निर्वाणले हात्तिसारस्थित टेम्पल ट्री रेष्टुरेण्ड एण्ड लञ्च बारमा निर्वाण एण्ड म्यूजिक लिङ्क ब्याण्डद्वारा सांगीतिक प्रस्तुती दिने भएको छ ।

गायक प्रमोद निर्वाणका साथमा ड्रमर जितेन्द्र सुनाम, लिड गिटारिस्ट अनुज चित्रकार, बेस गिटारिस्ट प्रबिन निर्वाण र किबोर्डमा वसन्त सुनामले प्रस्तुति दिने भएका छन् ।

कार्यक्रम बेलुका ६ बजे देखि हुने रेष्टुरेण्ट सञ्चालक सुभमले जानकारी दिए ।

प्रणय दिवस अर्थात यो पर्व पादरी सेन्ट भ्यालेन्टाइनको सहादतसँग सम्बन्धित छ । प्रणय दिवसमा विश्वभरका युवायुवतीहरुले एक आपसमा विशेषगरी गुलावको फूल उपहार दिएर प्रेम आदान प्रदान गर्ने गरिन्छ ।



Leave a Reply

Your email address will not be published. Required fields are marked *