गोकुलगंगा गाउँपालिकाको ठोसेस्थित चौरपातलमा आगलागीबाट एक बृद्धाको मृत्यु


रामेछापः रामेछाप जिल्लाको गोकुलगंगा गाउँपालिका-२ ठोसे चौरपातलको एक घरमा मंगलबार विहान आगलागी हुँदा एक जना बृद्धाको जलेर मृत्यु भएको छ ।

स्थानीय किपा शेर्पाको ढुंगा माटोले बनेको घरमा आगलगी हुँदा उनको ८० बर्षकी आमा पासाङ्ग गेली शेर्पाको मृत्यु भएको प्रहरी चौकी ठोसेले जानकारी दिएको छ ।

आफ्नै घरको भान्सा कोठाबाट शुरु भएको आगोले पुरै घर जलेर नष्ट भएको हो ।

आगलागीबाट ४ लाख १० हजारको अन्न तथा नगद ३ लाख सहित गरी ७ लाख १० हजार बराबरको क्षति भएको प्रहरीले जनाएको छ ।

घट्ना भएको थाहा पाउने वित्तिक्कै जिल्ला प्रहरी कार्यालय मन्थली र प्रहरी चौकी ठोसेबाट उद्धारका लागि प्रहरी टोली पुगेको जिल्ला प्रहरी कार्यालय रामेछापले जनाएको छ ।

पिडित परिवारलाई गाउँपालिकाको कार्यालयले राहत रकम स्वरुप ५० हजार रुपैयाँ दिने गोकुलगंगा गाउँ पालिकाका अध्यक्ष खड्ग सुनुवारले जानकारी दिए ।

ग्लोबल आइएमई बैंकको नयाँ शाखा सिराहाको सुखीपुरमा



Leave a Reply

Your email address will not be published. Required fields are marked *