काठमाडौं महानगरपालिकाभित्र कोरोनाविरुद्ध खोप लगाउन सुरु


काठमाडौं:  काठमाडौं महानगरपालिकाभित्र आजदेखि कोरोनाविरुद्ध खोप लगाउन सुरु गरिएको छ । यो खोप कार्यक्रम जेठ २९ गतेसम्म चल्नेछ।

 

महानगरपालिकाका अनुसार ६० देखि ६४ वर्षसम्मकालाई पहिलो मात्रामा भेरोसेल खोप लगाइनेछ। वडाअनुसार तोकिएका खोप केन्द्रमा बिहान १० बजेदेखि अपराह्न ४ बजेसम्म गएर खोप लगाउन सकिने महानगरपालिकाले जनाएको छ ।

 

खोप लगाउनका लागि उमेर खुल्ने परिचयपत्र साथै लैजानुपर्नेछ । पहिलो खोप लगाएकालाई अहिले दोस्रो खोप लगाइने छैन। त्यस्तै कोरोना संक्रमण भएका व्यक्तिले एक महिना पूरा भएपछि मात्रै खोप लगाउन पाउने महानगरपालिकाले जनाएको छ ।

 

स्वास्थ्यकर्मी तथा स्वास्थ्य संस्थाको सुरक्षासम्बन्धी कडा कानुन