एसएसपी तामाङको ‘आमा’को म्यूजिक भिडियो सार्वजनिक {भिडियो सहित}


काठमाडौं: वरिष्ठ गीतकार तथा एसएसपी टेक तामाङको ‘आमा’ गीतको म्यूजिक भिडियो सार्वजनिक भएको छ ।

 

दिपा लामाको स्वर रहेको उक्त गीतलाई पावल चाम्लिङले कम्पोज गरेका छन् भने चाँद सिंहले एरेन्ज गरेका हुन् ।

 

‘आमा गीतमा आमाको माया र छोराछोरीलाई हुर्काउन गर्नुपर्ने जिम्मेवारी आमाले बाहेक कसैले दिन सक्दैन’ भन्ने मुल सन्देशका साथ गीत तथा म्यूजिक भिडियो मार्फत प्रस्तुत गरिएको छ ।

 

उक्त गीतमा सौजन सुब्बा‚ रोहनी लामा‚ सुम्दिमा चाम्लिङ राई‚ सजन मगर‚भोलाराम धिताल‚ दुर्गा धिताल र कृष्ण राईले फिचरिङ गरेका छन् ।

 

म्यूजिक भिडियोको छायांकन नरेन मोक्तानले गरेका हुन् भने भिडियोको निर्देशन देवजंग थापाले गरेका हुन् ।

 

गीतकार तामाङको यसअघि नजिक भएर पनि, तिमीलाई माया गर्छु, आमा, जीवनसाथी, माया गरेर हेर, मै खुकुरी अघिसरी सहित आधुनिक, राष्ट्रिय र सेलो गरी ४ सय ५० भन्दा बढी गीत रेकर्डिङ र प्रकाशनमा आइसकेका छन् ।

{भिडियो सहित}

नेपाल सुपर लिग (एनएसएल)मा आज धनगढी एफसी र पोखरा थन्डर्सबीच प्रतिष्पर्धा हुँदै