काठमाडौं उपत्यकका सामुदायिक तथा निजी विद्यालयहरु माघदेखि क्रमशः खुल्ने


काठमाडौं: उपत्यकका सामुदायिक तथा निजी विद्यालयहरु स्वास्थ्य सुरक्षा मापदण्ड पालना गरी माघदेखि क्रमशः खुल्ने भएका छन् ।

गत चैतदेखि बन्द रहेका विद्यालय शैक्षिक सत्रभरि नै नखुल्दा विद्यार्थीमा नकारात्मक प्रभाव पर्न सक्ने विश्लेषणसहित उपत्यकाका विद्यालयले सम्बन्धित निकायको समन्वयमा प्रत्यक्ष कक्षा सञ्चालनको तयारी गरेका छन् ।

अनलाइन तथा रेडियो-टेलिभिजनमा आधारित वैकल्पिक माध्यमको पढाइ प्रभावकारी नभएकाले पनि विद्यालय खोल्न दबाब परेको हो ।

कोरोना जोखिम कम भएका काठमाडौँ उपत्यका बाहिरका अधिकांश स्थानका विद्यालय गत मङ्सिरदेखि स्थानीय तहको अनुमतिमा सञ्चालनमा आएका थिए । ती विद्यालयमा सङ्क्रमित शिक्षक वा विद्यार्थी देखिए केही साता बन्दपछि पुनः सञ्चालनको प्रयोग पनि गरिएको छ ।

काठमाडौंमा ९२ सामुदायिक र ६ सय ४५ निजी (संस्थागत) विद्यालय छन् । यसैगरी सामुदायिकमा ४३ हजार र निजीमा एक लाख १० हजार विद्यार्थी छन् ।

भक्तपुर र ललितपुरका कतिपय विद्यालय यसअघि नै सञ्चालनमा आएका छन् । शिक्षा, विज्ञान तथा प्रविधि मन्त्रालयले गत महिना जारी गरेको ‘विद्यालय सञ्चालन कार्यढाँचा, २०७७’ बमोजिम स्थानीय तहले सरोकार भएका पक्षसँगको परामर्शमा वैकल्पिक सिकाइको निरन्तरताका साथै प्रत्यक्ष पढाइ शुरु भएको थियो ।

हाल देशभर दैनिक करीब पाँच सय र काठमाडौंमा दुई सयको हाराहारीमा कोरोना भाइरसका सङ्क्रमितहरु देखिएका छन् ।

र यो पनि पढ्नुहोस्ः
कांग्रेसको १४औं महाधिवशेन तोकिएको समयमा नहुने निश्चित
काभ्रेको बनेपा नगरपालिकामा ग्याँस उद्योगको ट्याङ्की विस्फोट हुँदा तीन जना घाइते
नेकपालाई सात दिनभित्र आधिकारिकता दाबी गर्न निर्वाचन आयोगको पत्र



Leave a Reply

Your email address will not be published. Required fields are marked *