आयो चुरामणि खनाल र मनु कुवाँरको ‘यो माया खत्रा’


काठमाडौं: सञ्चारकर्मी चुरामणि खनाल र मनु कुवाँरको लोक दोहोरी ‘यो माया खत्रा’को म्यूजिक भिडियो सार्वजनिक भएको छ ।

 

खनालको शब्द, संगीत र आवाजमा रहेको गीतमा मनु कुवाँरले साथ दिएकी छिन् ।

 

रैला पप टिपिकल रुपमा सार्वजनिक लोक दोहोरी गीतको भिडियोमा लोमस शर्मा र बबिता बोहराको मुख्य अभिनय रहेको छ ।

 

म्यूजिक भिडियो पर्यटकिय, धार्मिक तथा ऐतिहासिक स्थलमा छायांकन गरी तयार पारिएको छ । गीतले प्रेमको सन्देश साथै अहिलेको परिस्थितिमा विश्वसनिय प्रेमको विषयलाई उठान गरेको छ ।

 

लुम्बिनी र कपिलवस्तु लगायतका स्थानमा तयार परिएको गीतको एरेन्ज मिक्सिङ हेमन्त शिशिर र  रेकर्डिस्टमा विरेन बिसिले साथ दिएका छन् ।

 

म्यूजिक भिडियोको निर्देशन निशान एस के गरेका छन् भने दिपक गिरिले छायांकन गरेका छन् । म्यूजिक भिडियोको सम्पादन प्रकाश धमलाले गरेका छन् ।

 

सर्जक खनालले आगामी दिनमा आफ्ना नयाँ-नयाँ सिर्जनाहरु बजारमा ल्याउँदै जाने बताएका छन् । खनालको यो भन्दा पहिला राष्ट्रिय गीत नबिर्सौ विरताको गाथा सार्वजनिक भैसकेको छ ।