आजदेखि काठमाडौं महानगर नगर सभाको ८औं अधिवेशन सुरु


काठमाडौं: तीन वटा विधेयक पेश भएसँगै काठमाडौं महानगरको आठौं नगर सभाको आजदेखि अधिवेशन सुरु भएको छ ।

बैठकमा ‘काठमाडौं महानगरपालिका वातावरण तथा प्राकृतिक स्रोतको संरक्षण गर्न बनेको विधेयक– २०७७’, ‘काठमाडौं महानगरपालिका बजार व्यवस्थापन तथा अनुगमन विधेयक– २०७७’ र ‘काठमाडौं महानगरपालिका संस्था दर्ता तथा नियमन सम्बन्धी विधेयक– २०७७’ पेश भएका हुन् ।

विधेयकहरु विभागीय प्रमुखहरु क्रमशः हरि कुमार श्रेष्ठ, हरिबहादुर भण्डारी र दीपक अधिकारीले प्रस्तुत गरेका थिए ।

पुस २४ गते बसेको महानगरको ५५औं कार्यपालिका बैठकले सभामा प्रस्तुत हुने प्रस्ताव स्वीकृत गरेको थियो ।

महानगरपालिकाका प्रमुख विद्यासुन्दर शाक्यको अध्यक्षतामा सुरु भएको बैठकमा चालु आर्थिक बर्षको ५९ वटा कार्यक्रममा संशोधन प्रस्ताव गरिएको छ ।

प्रस्ताव गरिएका कार्यक्रमहरुमा निशुःल्क वितरणका लागि औषधि खरिद, सार्वजनिक सम्पत्तिको मर्मत तथा संरक्षण, स्वास्थ्य उपकरण खरिद, मठमन्दिर, गुठी घर, देवता घरजस्ता सांस्कृतिक संरचनाको पुननिर्माण, मर्मत सम्भार तथा सौन्दर्य बढाउने, सडक स्तरोन्नति गर्ने, ढल तथा मंगाल निर्माण गर्ने काम रहेका छन् ।

त्यस्तै सरकारी र सामुदायिक अस्पतालहरुसँग सहकार्य, यातायात तथा सुरक्षा व्यवस्थापन नगर साझेदारी कार्यक्रम लगायत छन् ।

 

र यो पनि…
पल्सर स्पोर्टस अवार्ड कार्यक्रम आज अपरान्ह साढे ४ बजे
प्रदेश १ का मुख्यमन्त्री राई सहित ८ जना निलम्बन



Leave a Reply

Your email address will not be published. Required fields are marked *