अचानक चार्ल्स शोभराजका अन्तर्वार्ता जब विदेशी सञ्चारमाध्यममा आएपछि


काठमाडौं: केन्द्रीय कारागारमा रहेका कुख्यात् अपराधी चार्ल्स शोभराजका अन्तर्वार्ता बेलायती अखबारमा आएपछि कारागार व्यवस्थापन विभाग आश्चर्य चकितमा परेको छ ।

 

हत्या कसुरमा २० वर्षदेखि जेल जीवन बिताइरहेका शोभराजका अन्तर्वार्ता बेलायती सञ्चारमाध्यम  डेलीमेलसन्डे मिररमा प्रकाशन भएका छन् ।

 

कारागारमा रहेका कसुरदारले सार्वजनिक अभिव्यक्ति दिँदा कारागर प्रशासनको अनुमति लिनुपर्ने हुन्छ ।

 

शोभराजलाई त्यस्तो अनुमति नदिँदा नदिँदै पनि उनको अन्तर्वार्ता विदेशी सञ्चारमाध्यममा आएपछि कारागार व्यवस्थापन विभाग आश्चर्यमा परेको हो ।

 

उनको अन्तर्वार्ताका लागि विभागसँग अनुमति मागिएको तर नदिइएको विभागका सूचना अधिकारी देवर्षी सापकोटाले दाबी गरेका छन् ।

 

तर पनि अन्तर्वार्ता आएकाले अब यसबारे छानबिन हुने विभागले जनाएको छ ।

 

सन्डे मिररसँग शोभराजले अब चाँडै आफू रिहा हुन लागेको बताएका छन् ।

 

‘म पूर्णतया निर्दोष छु । अब तीनदेखि चार सातासम्ममा रिहा हुनेछु,’ शोभराजले भनेका छन् ।

 

सन् २००४ मा आफूविरुद्ध भएको सुनुवाइ गलत भएको र राष्ट्रसंघीय मानव अधिकार समितिको नीति विपरित भएको उनले दाबी गरेका छन् ।

 

उनले भनेका छन्, ‘सन् २०१० जुलाई २७ मा आयोगको १२ सदस्यीय समितिले गरेको निर्णयले म निर्दोष छु भन्ने पुष्टि भएको छ ।’

 

माओवादी केन्द्रले आज सर्वोच्च अदालतमा निवेदन हाल्ने